Gənc yazar Mətanət Quliyeva 1-ci yerə layiq görülüb
Boccia idman növü üzrə v “seni cup” turnirində 60-dan çox idmançı iştirak edib
Noyabrın 22-də Abşeron Olimpiya İdman Kompleksində Boccia idman növü üzrə “V Seni Cup” turniri keçirilib.
Versus.Az-ın məlumatına görə, turnirdə respublikanın müxtəlif regionlarından 60-dan çox idmançı iştirak edib.
Tədbirdə Azərbaycan Respublikası Milli Paralimpiya Komitəsinin prezidenti İlqar Rəhimov və Mərkəzi Asia və Qafqaz üzrə “Seni” şirkətinin koordinatoru Mixail Kopaç yarış iştirakşılarını salamlayaraq, onlara uğurlar arzulayıb.
Gənclər və İdman nazirliyinin şöbə müdiri, Olimpiya Çempionu Fərid Mansurov, İki qat Paralimpiya Çempionu İlham Zəkiyev, “Həyat” fondun prezidenti Haci Nuran və Abşeron rayonu İcra hakimiyyəti rəhbərliyinin də iştirak etdiyi tədbir bədii hissə ilə davam etdirilib.
Sonda Final yarışları keçirilib. Gənc yazar Mətanət Quliyeva turnirin qalibi olaraq 1-ci yerə layiq görülüb. Qaliblərə Milli Paralimpiya Komitəsinin diplomları, medal və kuboklar təqdim edilib. Yarışada Ukrayna Respublikasının boccia idman növü üzrə idman ustası Artyom Kolinkoda idmançılara dəstək olaraq, yarışlara qoşulub.
Qaliblərin mükafatlandırılmasından sonra amputant futbolu idman növü üzrə Abşeron rayonu və Sumqayıt şəhərinin komandaları arasında yoldaşlıq görüşü keçirilib. Milli Paralimpiya Komitəsinin prezidenti qalib komandaya kubok təqdim edib.
Qeyd edək ki, Boccia fiziki imkanları məhdud idmançıların məşğul olduğu Paralimpiya idman növüdür. Bu idman növünün təbliğ olunması məqsədi ilə 2013-cü ildən etibarən hər il Boccia idman növü üzrə “Seni Cup” turniri təşkil olunur. BOCCİA idman növü Milli Paralimpiya Komitəsi tərəfindən 5 ildir ki, ölkəmizdə təbliğ olunur və bu istiqamətdə bir sıra tədbirlər həyata keçirilir. Hazırda 5 kateqoriya üzrə 17 regiondan 100 dən çox fiziki məhdudiyyətli şəxs BOCCİA idman növü ilə məşğul olur və bu idman növü ilə məşğul olmaq istəyənlərin sayı getdikcə artmaqdadır.
Bunu nəzərə alaraq, Heydər Əliyev fondunun vitse-prezidenti Leyla xanım Əliyevanın təşəbbüsü ilə cari ilin mart ayında Azərbaycan Boccia Federasiyası yaradılıb, Vüqar Əsgərov Federasiyanın vitse prezidenti, İlham Məhərrəmov baş katibi seçilib.
Versus.Az
Xəbər lenti
Ermənistan və bir sıra xarici ölkələrin mediasında Azərbaycanla bağlı YALAN MƏLUMATLAR
"Bu, sistemli dezinformasiya hücumlarının tərkib hissəsidir"