Razi Nurullayev: "Məncə bütün dünya da bu faktı qəbul edib"
Milli Cəbhə Partiyasının sədri, deputat Razi Nurullayev Roma şəhərində "Cənubi Qafqazda Regional Stabillik" işçi qrupunun 21-ci konfransında iştirak edib.
Versus.Az xəbər verir ki, bu barədə Partiyanın Mətbuat Xidmətindən bildirilib.
Qeyd edək ki, Razi Nurullayev adıçəkilən konfransda Qarabağla bağlı Azərbaycanın mövqeyindən danışıb. Bildirib ki, Dağlıq-Qarabağ münaqişəsi termini yoxdur, Azərbaycan üçün münaqişə bitib:
"Bundan sonrakı danışıqlar ancaq və ancaq erməni silahlı qüvvələrinin ölkəmizin ərazisindən çıxarılması və Qarabağda yaşayan ermənilərin Azərbaycan cəmiyyətinə inteqrasiyası, Minsk qrupunun da rolu ancaq bu məsələlər ətrafında təşkilatçılıq ola bilər. Status isə birdəfəlik basdırılıb. Məncə bütün dünya da bu faktı qəbul edib və Azərbaycanı öz ərazisini işğaldan azad etdiyi üçün heç kim qınamır. Bəzi ölkələr isə erməni lobbisinin təzyiqi altında ara-sıra lazımsız fikirlər irəli sürürlər".
SEVDA
Versus.Az
496 |
Siyasət
