Fuad Əliyev: "”3-cü Qarabağ müharibəsi" terminologiyası ilə razılaşmıram"

Azərbaycan tərəfin üçüncü Qarabağ savaşına başlayacağına dair iddialar getdikcə artmaqdadır. Belə fikirlərin yayılmasının müxtəlif obyektiv və subyektiv səbəbləri var.

Belə ki, Qarabağa yerləşdirilən Rusiya sülhməramlıları, eləcə də Ermənistan üzərinə götürdüyü öhdəliklərə əməl etmir. Eyni zamanda Azərbaycan ərazisi olan Xankəndindəki separatçılar qanunlarımıza tabe olmaq istəmirlər, revanşist iddialara düşənlər də var.

Bütün bunları düşünərək III Qarabağ savaşının baş verəcəyini proqnozlaşdıranlar kifayət qədər çoxdur.

Bu savaş baş verərsə, sonuc necə ola bilər?

Azərbaycan Liberal Demokrat Partiyasının (ALDP) sədri Fuad Əliyevin fikirləri bir qədər fərqlidir: 

“Mən ”3-cü Qarabağ müharibəsi" terminologiyası ilə razılaşmıram. Qarabağın işğalı, Qarabağ problemi Vətən müharibəsi ilə bitib. Artıq bu, tarixdir. Azərbaycan-Ermənistan müharibəsinin başlanmasına inanmıram. Bu baş versə, Ermənistan torpaqlarının bir hissəsinin itirilməsi ilə nəticələnəcək.

Amma Azərbaycan ərazimizdə qalan bu separatçı tör-töküntüləri təmizləmək üçün antiterror əməliyyatlarına başlaya bilər. Bunu mən gözləyirəm". /Yeni Müsavat/

Versus.Az