“Deməli, sənin dərdin Azərbaycandır”

13:39 23-09-2021 | icon 162 | Siyasət
“Deməli, sənin dərdin Azərbaycandır”

Elxan Şahinoğlu: “Bu, Azərbaycan əleyhinə siyasət yürütməkdir”

 

İran Azərbaycan sərhədində baş verən son hadisələrdən sonra Araz çayı boyu hərbi təlimlərə başlayıb. İran sərhəddə dronlarla nəzarət edəcək. İranın Azərbaycanla sərhəddə keçirdiyi hərbi təlimlər nədən xəbər verir və bu addımı nəyə hesablanır?

 

Versus.Az xəbər verir ki, politoloq Elxan Şahinoğlu vəziyyəti şərh edərkən bildirib ki, biz məlum yükdaşımalara görə İrana iradımızı bildirdik deyə, bunun qarşılığında bizə sərhəddə hərbi təlimlərlə cavab verirlər.

 

“Bizim İrana hücum etmək fikrimiz yoxdur. Sən təlimləri kimə qarşı keçirirsən. Təlim keçirirsənsə, niyə 27 il işğal altında qalan Zəngilan, Qubadlı, Cəbrayıl istiqamətlərində belə təlimlərlə separatçılara hədə-qorxu gəlmirdin. Deməli, sənin dərdin Azərbaycandır. Azərbaycan ərazi bütövlüyü səni narahat edir. Ona narahat olursan ki, niyə Azərbaycan Pakistan və Türkiyə ilə hərbi təlimlər keçirir. Bu bizim daxili işimizdir və istədiyimiz dövlətlə hərbi təlimlər keçirə bilərik. Dəfələrlə deyilib ki, Türkiyə ilə hərbi təlimlərimiz heç də İrana qarşı deyil, bu, işğalçı Ermənistana qarşıdır. Lakin biz bu 9 ayda gördük ki, İrandan Ermənistana, ordan da Qarabağa nə qədər yüklər daşındı. Təsəvvür edin ki, 28-29 illik işğal dövründə İrandan Azərbaycana qarşı nə qədər yüklər daşıyıblar. Ağdam, Füzuli, Qubadlı, Cəbrayıl digər rayonlarımız hamısı dağıdılıb, oradakı evlərin daşları, əşyaları hara daşınıb, harda satılıb. Bu, İranın ikitərəfli münasibətlərin ruhuna uyğun deyil. Belə getsə, vəziyyət daha ada gərginləşəcək”.

 

E.Şahinoğlunun sözlərinə görə, İran düşünür ki, Azərbaycan güclü bir dövlətə çevrilsə, problemləri yarana bilər. Biz isə dəfələrlə bildirmişik ki, biz İranın daxili işlərinə qarışmırıq:

 

“Amma İran qarışır. Sən niyə Azərbaycanın ərazi bütövlüyünü  dəstəklədiyin və Azərbaycanı qələbə münasibəti ilə təbrik etdiyin halda qanunlarımızı pozan separatçılara yanacaq daşıyırsan. İran buna cavab vermədi, əksinə, nota veriləndən sonra daşınan yüklərin sayı artdı. Bu, Azərbaycan əleyhinə siyasət yürütməkdir”.

 

Politoloq eyni zamanda Azərbaycanın daim müharibəyə hazır olduğunu vurğulayıb:

 

“Biz 27 il buna hazırlaşmışıq və heç nədən qorxmuruq, heç nədən çəkinmirik. Biz nəyin uğrunda savaşdığımızı bilirik. Erməni nə etdiyini bilmir, ona görə də gəlib başqa dövlətin ərazisində savaş aparır. Ermənistan savaşa hazır deyil. Ona görə də böyük savaşların olması ehtimalı azdır. Amma antiterror əməliyyatların keçirilməsi mümkündür. Bizim əsas məqsədlərimizdən biri də Qarabağda qalan separatşçıları tərksilah etməkdir. Qarşımızda Rusiya hərbçiləri var. Amma bu yaxınlarda Zakir Həsənov açıq şəkildə dedi ki, gərəkdiyi halda biz Rusiya hərbçilərinin arxasında gizlənən erməni separatçılarına qarşı da müəyyən əməliyyatlar keçirə bilərik. Ona görə də əgər sülhməramlılar öz üzərinə düşən missiyanı yerinə yetirmirsə, o zaman Azərbaycan bu missiyanı özü həyata keçirəcək”.

 

LƏMAN
Versus.Az

Xəbər lenti

InvestAZ

Ən çox oxunan xəbərlər

Xırdalan sakinlərinə ŞAD XƏBƏR

Yeni siyasi partiya təsis edildi

“Müstəqilliyimiz əbədidir” - VİDEOÇARX

Deputat şəhid ailəsinin ağır vəziyyətini ictimailəşdirdi

Müstəqilliyin Bərpası Günüdür

Azərbaycanın Ermənistana qarşı iddiası DİNLƏNİLƏCƏK

Xalq bundan sonra da dövlətçiliyin sədaqətli əsgəri olacaq

COVID-lə adi soyuqdəyməni necə FƏRQLƏNDİRİLMƏLİ?

Bir il ötdü

Beynəlxalq avtovağzalda bilet qalmaqalı

Çiyin ağrıları: səbəbləri və müalicəsi - MÜSAHİBƏ

Bu məktəb-lisey koronavirusa görə BAĞLANDI

Koronavirusla bağlı son STATİSTİKA

Sabah Moskvada Azərbaycan, Rusiya və Ermənistan İşçi Qrupunun iclası keçiriləcək

Məktəblər bağlanır?