Dünya çempionatına iki heç-heçə ilə START
İspaniyanın Sices bölgəsində qadın şahmatçılar arasında dünya çempionatına start verilib.
Versus.Az xəbər verir ki, Azərbaycanın qadın şahmatçılardan ibarət yığması da bu gün yarışda mübarizəyə başlayıb.
İlk turda Hindistanla bərabərliyə razılaşan (2:2) millimiz ikinci turda Ermənistanla üz-üzə gəlib.
Bu oyunda da qalib müəyyənləşməyib – 2:2.
Ülviyyə Fətəliyevanın istirahət etdiyi turda Günay Məmmədzadə və Gülnar Məmmədova rəqiblərinə qalib gəlsələr də, Türkan və Zeynəb Məmmədyarova bacıları məğlub olublar.
Millimizin üçüncü və dördüncü turdakı rəqibləri uyğun olaraq Rusiya və Fransa komandaları olacaq.
Geridə qalan iki turdan sonra aktivində 2 xal olan millimiz turnir cədvəlinin 4-cü pilləsində qərarlaşıb. Rusiya isə 4 xalla liderdir.
Xəbər lenti
Ombudsmandan BƏYANAT
"Soyqırımı hadisələrinə beynəlxalq miqyasda hələ də ədalətli mövqe bildirilməyib"