Partiya sədri mer postuna İDDİALIDIR
Fuad Əliyev: "Mer seçkiləri keçirilsə, qalib gəlmək şansım daha çoxdur"
“Bakıda mer seçkiləri keçirilsə, namizədliyimi verəcəm”.
Versus.Az xəbər verir ki, bunu açıqlamasında Azərbaycan Liberal Demokrat Partiyasının (ALDP) sədri Fuad Əliyev bildirib.
Partiya sədri vurğulayıb ki, Azərbaycan müstəqil ölkə olduqdan sonra Konstitusiya aktını qəbul edib: Onun sözlərinə görə, sənəddə demokratik prinsiplər əksini tapıb ki, bu seçkilərin keçirilməsi də demokratiyanın tərkib hissəsidir:
“Azərbaycanın Avropa Şurası qarşısında götürdüyü öhdəliklərdən biri də böyük şəhər bələdiyyələrinin yaradılması, o cümlədən merin seçilməsi üçün seçkilərin keçirilməsi məsələsidir. Mən də Bakıda mer seçkilərinin keçirilməsinin tərəfdarıyam və proses başlayarsa öz namizədliyimi vermək fikirdəyəm”.
Fuad Əliyev onu da qeyd edib ki, vaxtilə Bakı Şəhər İcra Hakimiyyəti strukturunda çalışdığından iş və təşkilatçılıq təcrübəsi bu postda iddialığına əsas yaradır.
Xəbər lenti
Özünü güllələyən professordən XƏBƏR VAR
O, dünən universitetdə olub və dərsdə iştirak edib