"Cənub istiqaməti tam nəzarətə götürüldü”

 

18:52 20-10-2021 | icon 476 | Müharibə
"Cənub istiqaməti tam nəzarətə götürüldü”
 

 "Ruslan İmamquliyev: “Zəngilanın azad olunması həm də o baxımından əhəmiyyətli idi ki...”

 

“44 günük müharibədə cənubda keçirilən əməliyyatların ciddi bir  önəmi var. Bu əməliyyatlar həm düşmənə yeni cəbhə açdı, həm də İranla olan sərhəddin nəzarətə götürülməsi, düşmənə ola biləcək  texniki dəstəklərin qarşısının alınması baxımından əhəmiyyətli idi. Bu mənada Zəngilan və orada bir sıra kəndlərimizin azad olunması çox önəmli idi”.

 

Versus.az xəbər verir ki, bunu Zəngilanın işğaldan azad olunmasının hərbi əhəmiyyəti ilə bağlı açıqlamasında hərbi ekspert Ruslan İmamquliyev bildirib.

 

R.İmamquliyev qeyd edib ki, 44 günlük müharibədə başlanmış əməliyyatlar sadəcə şərq-qərb  istiqamətində həyata keçirilirdi. Bu geniş miqyaslı əməliyyatlar özü-özlüyündə düşməni tədirgin edir, çətin vəziyyətə salırdı:

 

“Döyüşün gedişatında bizim silahlı qüvvələrimizin düşmənin dərinliyinə sızması, düşmənin şərq istiqamətində deyil, bütün istiqamətlər üzrə təhdid altına salınması idi. Bu da düşmənin bir çox hallarda ya ehtiyatlarını tətbiq etmə məcburiyyətində qalması, yaxud ehtiyatların tətbiq edilməsindən məhrum olma vəziyyətinə düşürülməsi idi.  Çünki düşmənin bir çox ehtiyatları darmadağın edilmişdi. Bunun da başlıca səbəblərindən biri döyüşün ilk günlərində hava üstünlüyünün Azərbaycan silahlı qüvvələrində olması, düşmənin kəşfiyyat vasitələrinin darmadağın edilməsi və kor vəziyyətinə salınması idi. Cənub istiqamətində ordu korpuslarımızın həyata keçirmiş olduğu yarma əməliyyatı nəticəsində düşmənin dərinliyinə qədər nüfuz etməsi, Cəbrayılın, Hadrutun, Füzulinin azad olunması və cənub istiqamətində əməliyyatların daha da genişlənərək  Zəngilanın, Qubadlının azad olunması ilə nəticələndi. Cənub istiqaməti tam nəzarətə götürüldü”.

 

Hərbi ekspert bildirib ki, Cəbrayıldan sonra Zəngilanın azad olunması ilə artıq 132 kilometr cənub sərhəddimizin tam nəzarətə götürülməsi idi.  Buna görə də düşmən şərq və qərb istiqamətlərində hücuma məruz qalmaqla  yanaşı, eyni şəkildə cənub-şimal istiqamərlərində də geniş cəbhədə yeni təmas xətti yaranmışdı:

 

“Nəticə göz qabağında idi.  Düşmən artıq təslim vəziyyətinə gəldi. Bir -birinin ardınca  torpaqların azad olunmasının şahidi olduq.  Laçında bir sıra yüksəkliklərin, Laçın karidorunun nəzrət altına götürülməsi, Şuşanın azad olunması ilə düşmənin təslim aktına imza atması, düşmənin Ağdam, Kəlbəcər, Laçın kimi rayonları təslim etməsinə səbəb oldu”. /hafta.az/

 

Tahirə Qafarlı

Xəbər lenti

InvestAZ

Ən çox oxunan xəbərlər

Partiya sədri naziri QINADI

“Fransa bir diasporanın girovuna çevrilib”

Osqud-Şlyatter xəstəliyindən əziyyət çəkənlərin DİQQƏTİNƏ

"Eyni davranışla Fransa da özünü oyundankənar vəziyyətə saldı"

"Azərbaycan ən böyük dövlətə çevriləcək"

İrəvandakı aksiya sifarişçisinin Moskva EHTİMALI

“Türk Dövlətləri Təşkilatı bir güc mərkəzi kimi çıxış edə bilər”

Qarabağda daha 6 yaşayış məntəqəsinin layihələndirilməsinə BAŞLANILIR

Təhsilə ayrılan vəsaitlərin həcmində artımlar nəzərə tutulub

"Qərb özü də regiondan asılıdır"

Qızıl və gümüş BAHALAŞIR

Makronun ermənilərə vurduğu “etnik təmizləməyə məruz qalan” ETİKETİ

Sahibə Qafarovadan Ermənistana ÇAĞIRIŞ

4 il əvvəl ölən qızın meyiti TAPILDI

İntensiv yağış və qar - XƏBƏRDARLIQ