"Putin özbaşınalığına görə mütləq Paşinyana “dərs verəcək”"

16:41 26-11-2021 | icon 319 | Siyasət
"Putin özbaşınalığına görə mütləq Paşinyana “dərs verəcək”"

Samir Hümbətov: "Gələcəkdə hərbi əməliyyatların bərpası istisna deyil"

 

“Əslində, üçtərəfli görüş noyabrın 9-da baş tutmalı idi. Amma Ermənistanın baş naziri Nikol Paşinyan müxtəlif bəhanələrlə görüşü uzatdı”.

 

Versus.Az xəbər verir ki, bunu açıqlamasında politoloq Samir Hümbətov deyib.

 

“Amma dekabrın 15-də Brüsseldəki görüş barədə razılıq əldə olunduqdan sonra Moskva Qərbi qabaqlamaq istədi. Fikrimcə, Rusiya Prezidenti Vladimir Putin prosesin uzanmasına görə Nikol Paşinyanı bağışlamayacaq. Rusiya lideri özbaşınalığına görə mütləq Ermənistan baş nazirinə “dərs verəcək”. Görüşdə ciddi razılaşmaların əldə olunacağına inanmıram. Amma çox güman ki, Brüssel görüşü barədə Nikol Paşinyan təlimatlandırılacaq. Ona başa salınacaq ki, nəyi necə demək lazımdır”, - o bildirib.

 

S.Hümbətov vurğulayıb ki, gələcəkdə hərbi əməliyyatların bərpası istisna deyil:

“Zəngəzur dəhlizinin və kommunikasiyaların açılması məsələsində əsas rolu Rusiya oynayır. Ermənistanın mövqeyi ikinci dərəcəlidir. Moskvanın razılığı olsa, amma İrəvan yenə dikbaşlıq etsə, biz sülhə məcburetmə əməliyyatı keçirə bilərik. Nəzərə almaq lazımdır ki, hələ yekun sülh müqaviləsi imzalanmayıb. Sadəcə, müvəqqəti atəşkəs elan olunub. Eyni zamanda Ermənistanın təxribatları da istisna deyil. Onlar otuz il bu “oyuna” öyrəşiblər. Yekun sülh müqaviləsi imzalananadək təxribatlar gözləniləndir. Hətta genişmiqyaslı hərbi əməliyyatlar da istisna deyil. Çünki Ermənistan generaliteti təkcə öz hakimiyyətlərinin deyil, həm də Rusiyanın tapşırıqlarını yerinə yetirir. Deməli, Azərbaycan Ordusu buna daim hazır olmalıdır”.

 

Qeyd edək ki, bu gün Soçidə Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyan arasında üçtərəfli görüş keçiriləcək. Ekspertlər bildirir ki, Nikol Paşinyan noyabrın 9-da baş tutması gözlənilən görüşə getməməklə, xarici siyasətində Qərbə meyillənməklə Rusiyaya qarşı hörmətsizlik etmişdi. Bu isə tərəflər arasındakı münasibətlərə təsir edə bilər.

Xəbər lenti

InvestAZ

Ən çox oxunan xəbərlər

Ağlama, QƏRƏNFİLİM… Bir bəyaz gecə gələr…

"Axır ki, dövlət onu layiqincə qiymətləndirdi"

Azərbaycan 20 Yanvar hadisələrindən yayına bilərdimi -

“Azərbaycan Nəşriyyatı" özəl quruma çevrilir

Abşeron İcra Hakimiyyətinə yeni rəhbər təyin edildi

Həm Şuşaya, həm də Ağdama gedə biləcəyik

32 il qabaq törədilən sovet-rus qətliamı və doğan ideologiya

Onların da maaşı ARTDI

"Azərbaycanın Fransadakı səfiri geri çağırılsın"

"...qoyun kimi onun zorakı siyasətinin qarşısında mələşir..."

Ombudsmandan beynəlxalq qurumlara MÜRACİƏT

"20 yanvar" -qisas gününə gedən yol...

Hərbçilərimiz Türkiyədə TƏLİMLƏRƏ QATILDILAR

“20 Yanvar - Allah bütün şəhidlərimizə rəhmət eləsin” 

İlham Əliyev və Mehriban Əliyeva Şəhidlər xiyabanını ziyarət edib