"Prosseslər qısa müddətdə öz həllini tapa bilər, çünki”

13:51 27-11-2021 | icon 147 | Siyasət
"Prosseslər qısa müddətdə öz həllini tapa bilər, çünki”

Naqif Həmzəyev: “Soçi görüşünün baş tutması Ermənistanın divara dirənməsi deməkdir”

 

Soçidə Azərbaycan Prezidenti İlham Əliyev, Rusiya Prezidenti Vladimir Putin və Ermənistanın Baş naziri Nikol Paşinyan arasında görüş keçirildi. Görüşdən sonra hansı məsələlər öz həllini tapacaq?

 

Deputat Naqif Həmzəyev Versus.az-a bildirib ki, 44 günlük Vətən müharibəsində Azərbaycanın qələbəsi və regionda yaranmış yeni reallıqlar fonunda Ermənistan bu məğlubiyyətini qəbul etmək istəmir.

 

Onun sözlərinə görə, Ermənistan prosesləri uzadaraq faktiki olaraq öz xeyirinə nəticə əldə etmək istəyir:

 

“Ancaq Azərbaycanın səbri yoxdur, çünki otuz ilə yaxındır ki, səbr etdi. Lakin Ermənistan daim danışıqlar masasından qaçdı və problem sülh yolu ilə həll olunmadı. Azərbaycan yalnız öz gücü və cənab Prezident İlham Əliyevin uzaqgörən siyasəti nəticəsində bu problemi həll etdi. Artıq post-münaqişə dövründə bir ili arxada qoymuşuq. Bu bir il ərzində Ermənistanın özünü aparması, açıqlamaları, şərhləri onu deməyə imkan verir ki, onlar yalnız və yalnız vaxt udmaq istəyirlər. Prosseslər əslində qısa bir müddətdə öz həllini tapa bilər, çünki üçtərəfli bəyanat var. Lakin görünən odur ki, Ermənistan prosseslərin Rusiyanın vasitəçiliyi ilə həllindən çox, Avropa İttifaqının və ATƏT-in Minsk Qrupunun həmsədrlərinin iştirakı ilə həllinə meyillənir. Burda da əsas hədəf vaxt qazanmaqdır”.

 

Parlamentari qeyd edib ki, ancaq regionda uzunmüddətli sülh və əmin-amanlığı istəyən və Azərbaycanın real gücünü qəbul edən tərəflər var:

 

“Bu baxımdan da Soçi görüşünün baş tutması faktiki olaraq Ermənistanın divara dirənməsi deməkdir. Burda birbaşa sülh sazişinin imzalanması gözlənilmir. Ancaq sərhədlərin tanınması ilə bağlı Komissiyanın yaranması məsələsi bu görüşdə öz əksini tapa bilər. Bununla bağlı hansısa sənəd imzalana bilər. Görüşdə bir daha Ermənistana Azərbaycanın mövqeyi çatdırılacaq. Əvvəlki görüşlərdən fərqli olaraq, bu dəfə ikitərəfli görüşlər baş tutacaq, daha sonra üç dövlətin rəhbərliyi məsələləri müzakirə edəcək. Azərbaycanın mövqeyi bəllidir və şərtlərini bir daha diktə edəcək. Ermənistan isə nəyin bahasına olursa olsun, bu şərtləri qəbul etmək məcburiyyətindədir. Əks təqdirdə həm Azərbaycanın, həm Rusiyanın, həm də Türkiyənin təzyiqi, həmçinin faktiki olaraq Ermənistandakı xaos və narazılıqlar fonunda Paşinyan öz hakimiyyətini itirə bilər. Bununla da Ermənistan daha rəzil və rüsvayçı vəziyyətə düşə bilər. Mən düşünürəm ki, bu görüşdən müsbət nəticələr alınacaq və növbəti ay Avropada Brüsseldə baş tutacaq görüşə qədər xeyli yolu qət etmək mümkün olacaq”

 

LƏMAN
Versus.az

Xəbər lenti

InvestAZ

Ən çox oxunan xəbərlər

Ağlama, QƏRƏNFİLİM… Bir bəyaz gecə gələr…

"Axır ki, dövlət onu layiqincə qiymətləndirdi"

Azərbaycan 20 Yanvar hadisələrindən yayına bilərdimi -

“Azərbaycan Nəşriyyatı" özəl quruma çevrilir

Abşeron İcra Hakimiyyətinə yeni rəhbər təyin edildi

Həm Şuşaya, həm də Ağdama gedə biləcəyik

32 il qabaq törədilən sovet-rus qətliamı və doğan ideologiya

Onların da maaşı ARTDI

"Azərbaycanın Fransadakı səfiri geri çağırılsın"

"...qoyun kimi onun zorakı siyasətinin qarşısında mələşir..."

Ombudsmandan beynəlxalq qurumlara MÜRACİƏT

"20 yanvar" -qisas gününə gedən yol...

Hərbçilərimiz Türkiyədə TƏLİMLƏRƏ QATILDILAR

“20 Yanvar - Allah bütün şəhidlərimizə rəhmət eləsin” 

İlham Əliyev və Mehriban Əliyeva Şəhidlər xiyabanını ziyarət edib