"Sevinc Osmanqızı bir xanım, şəhid övladıdır"

"Azərbaycan teleməkanından xanım jurnalistə qarşı aparılan çirkin təbliğat bütün dəyərlər sisteminin dağılmasından xəbər verir".

Versus.Az-ın məlumatına görə, bunu Ümid Partiyasının sədri İqbal Ağazadə jurnalist Mirşahin Ağayevin həmkarı Sevinc Osmanqızını Real TV-də təhqir etməsi ilə bağlı sosial mediadakı açıqlamasında bildirib.

Partiya sədri səlahiyyətli dövlət qurumlarının susqunluğunu təəssüflə vurğulayıb:

"Əslində dövlət qurumları susmur, bu biabırçılığa haqq qazandırdığını nümayiş etdirir. Bu qədər miskin, bu qədər rəzil durumu yaradanlar heç düşünürlərmi cəmiyyəti hara sürükləyirlər? Sevinc Osmanqızı bir xanım, şəhid övladıdır. Kimdən öyrəndiniz bir xanımı, şəhid övladını küçə söyüşləri ilə təhqir etməyi? Hörmətli iqtidar mənsubları, durdurun bu verilişləri və jurnalistləri, proses çox pis məcraya yönəlir".

LƏMAN
Versus.Az