Mobil telefonlar necə izlənir?

11:59 21-12-2021 | icon 521 | Maraqlı
Mobil telefonlar necə izlənir?

Mobil telefon nömrəsi hesab etdiyimizdən daha çox məlumat daşıyır və digər şeylərlə yanaşı, sahibinin olduğu yeri göstərə bilər.

 

Bu barədə Rusiyanın “IT-Reserve”in direktoru Pavel Myasoyedov xəbərdarlıq edib.

 
 

Ekspertin sözlərinə görə, istiqamət tapma texnologiyasından istifadə edən istənilən mobil operator telefon nömrəsi ilə abunəçinin dəqiq yerini öyrənə bilər:

 

“Özlüyündə bu texnologiyalar zərərsizdir və istifadəçilərə, məsələn, regionları dəyişdirərkən hava və ya mövcud xidmətlər barədə vaxtında məlumat vermək üçün istifadə olunur”.

 

Myasoyedov bütün provayderlərdə abunəçini izləməyə imkan verən xidmətin olduğunu deyərək, sorğu əsasında ona qoşula bilinəcəyini və məkan məlumatlarının insanların müəyyən dairəsinə ötürüləcəyini deyib:

 

“Qoşulmaq üçün cib telefonuna giriş lazımdır, buna isə cəmi bir neçə dəqiqə kifayətdir. Sonra SMS mesajında xidmət aktivləşdirilir. Bu, bəzən pis niyyətli insanlar, yaxud paxıl dostlar və qohumlar tərəfindən istifadə olunur. Xoşbəxtlikdən, hər zaman operatorla əlaqə saxlaya və bu cür xidmətləri ləğv edə bilərsiniz”.

 

Ekspert telefon nömrəsinin istifadəçinin identifikator kimi getdikcə daha çox istifadə edildiyini (o cümlədən ictimai Wi-Fi-a qoşulduqlarını nəzərə alsaq) deyərək, reklamçılar və hətta fırıldaqçıların simsiz şəbəkədə qeydiyyatdan keçmiş nömrəni “darknet”də dolaşan xüsusi məlumat bazası ilə müqayisə edərək şəxsin harada olduğunu öyrənə biləcəyi barədə xəbərdarlıq edib:

 

“Beləliklə, mobil nömrə ilə izləmə hətta mürəkkəb texnologiyaların iştirakı olmadan həyata keçirilir”.

 

Myasoyedovun sözlərinə görə, “rəqəmsal gigiyena” ən etibarlı ehtiyat tədbiri olaraq qalır:

 

“Tanımadığınız internet saytlarında telefon nömrəsini daxil etməməlisiniz. Həmçinin qoşulmuş izləmə xidmətləri üçün sorğu ilə rabitə provayderinizlə əlaqə saxlaya və lazım gələrsə, onları deaktiv etmək  tövsiyə olunur”.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

Gimnastlarımız Dünya Kubokunda finala yüksəliblər

İtlər hətta simvolları da anlayırlar

Dəri problemlərindən mərciməklə xilas olun

Bu iki ədviyyatı birgə istifadə edin

Ən sürətli qol