Masallının Sığıncaq kəndində yanan evdən xəbər var
Dekabrın 8-i, axşam saatlarında Masallı rayonunun Sığıncaq kəndində ev yanıb. Evin oğlu Əli yanğından xilas ola bilməyib. Hadisənin şahidi olanlar bildirir ki, yanğına qaz sızmasından yaranan partlayış səbəb olub.
Versus.Az-a daxil olan məlumatda bildirilir ki, Əli evə daxil olub işığı yandıranda partlayış baş verib.
Bildirilir ki, hadisədən bir gün öncə Əli qaz idarəsinə gedərək həyətdən qaz iyi gəldiyini, qaz sızmasından şübhələndiyini deyərək gəlib baxmalarını, nasazlıq varsa düzəltmələrini xahiş edib. Qaz idarəsinin əməkdaşları gedib baxıblar və deyiblər ki, bu bizim işimiz deyil, ekskavator gəlməlidir ki, sonra müəyyən işlər görülsün. Həmin günün səhəri də məlum hadisə baş verib.
Məlumatda qeyd edilir ki, hadisədən sonra icra nümayəndələri hadisə yerinə baş çəkib mülahizələr yürüdəndən sonra heç nə olmayıbmış kimi oranı tərk ediblər.
Əlini Masallı rayon xəstəxanasına aparsalar da, vəziyyəti ağır olduğu üçün qəbul etməyiblər. Belə olan halda qohumları onu Bakıya kətirmək məcburiyyətində qalıblar. Bədəni ilə yanaşı nəfəs borusu da yandığı üçün burada da onun həyatını xilas etmək mümkün olmayıb və Əli dekabrın 9-u axşamı dünyasını dəyişib. Əlinin qardaşı Məhəmməd və dayısı oğlu isə ağır yanıq xəsarəti ilə müalicə olunurlar.
İndi uşaqların anası Günel xanım qaz idarəsinin məsuliyyətsizliyi ucbatından həm mənəvi, həm maddi ziyanla baş-başa qalıb. Bir oğlunu itirdi, bir oğlu və qardaşı uşağı yaralı vəziyyətdədir. Bir tərəfdən də evsiz qalıb. Acınacaqlı durumdur.
(Məsələni diqqətdə saxlayacağıq)
Versus.Az
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"