Tələbələr dövlət qulluğu ilə bağlı məlumatlandırılıblar

22:25 13-12-2018 | icon 371 | Cəmiyyət
Tələbələr dövlət qulluğu ilə bağlı məlumatlandırılıblar

 

Azərbaycan Respublikasının Prezidenti yanında Bilik Fondunun təşkilatçılığı və Dövlət İmtahan Mərkəzinin dəstəyi ilə Azərbaycan Texniki Universitetində (AzTU) “Dövlət Qulluğunun əsas vəzifələri və prinsipləri” mövzusunda maarifləndirici tədbir keçirilib.

 

Bilik Fondundan Versus.Az-a verilən məlumata görə, tədbirdə Fondun sektor müdiri Xatirə Hüseynova, Dövlət İmtahan Mərkəzinin (DİM) sektor müdiri Əlişirin Şükürov, DİM-in aparıcı mütəxəssisi Sərxan Ağayev, yuxarı kurs tələbələri və magistrantlar iştirak ediblər.

 

Universitetin prorektoru, professor İsa Xəlilov tədbiri açaraq, Bilik Fondu ilə birgə həyata keçirilən layihələrdən və bu əməkdaşlığın gənclərin maarifləndirilməsi işinə faydasından danışıb. AzTU-nun çoxsaylı məzunlarının maşınqayırma, metallurgiya, informatika və kompüter texnologiyaları, elektrotexnika, telekommunikasiya, nəqliyyat, mühəndis biznesi və digər sahələrdə bu gün uğurla çalışdığını vurğulayan prorektor, gənclərin dövlət qulluğuna xüsusi maraq göstərdiklərini vurğulayıb.

 

Sektor müdiri Xatirə Hüseynova Bilik Fondunun fəaliyyətindən bəhs edərək, gəncləri maarifləndirici layihələrdən faydalanmağa çağırıb. Bildirib ki, ali təhsilini başa vuracaq gənclərin iş həyatına başlamaları üçün dövlət qulluğu haqqında ətraflı məlumat almaları gələcəkdə iş tapmalarıına və uğurlu karyera qurmalarına yardım edəcək. Sektor müdiri Fondun təşkilatçılığı ilə gənclərin dövlət qulluğuna marağının stimullaşdırılması məqsədilə aztəminatlı ailələrdən olan yuxarı kurs tələbələri üçün ödənişsiz hazırlıq kurslarının açılacağını bildirib.

 

DİM-in sektor müdiri Əlişirin Şükürov dövlət qulluğuna qəbulla bağlı müsabiqənin şərtləri, keçirilmə qaydaları haqqında ətraflı məlumat verib. Mərkəzin rəsmisi deyib ki, dövlət qulluğu Azərbaycan Respublikasının Konstitusiyasına və digər qanunvericilik aktlarına uyğun olaraq, dövlətin məqsədlərinin və funksiyalarının həyata keçirilməsi sahəsində dövlət qulluqçularının öz vəzifə səlahiyyətlərini yerinə yetirməsidir.

Natiq tələbələrə dövlət qulluqçusunun etik davranış qaydaları, əsas funksiyaları haqqında məlumat verib.

Tələbələri maraqlandıran suallar cavablandırılıb.

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

İtlər hətta simvolları da anlayırlar

Ən sürətli qol

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin