"Sağlığımdan dolayı dualarınız üçün minnətdaram"
"Əziz dostlar, hər birinizə keçirdiyim əməliyyatla bağlı zəngləriniz, mesajlarınız və dualarınız üçün minnətdaram".
Versus.Az-ın məlumatına görə, bunu sosial mediada millət vəkili Qənirə Paşayeva sağlıq durumu ilə bağlı narahat olan dostlarına müraciətdə bildirib:
"Hər iki əlimdə "karpal tunel sindromu" diaqnozu ilə əməliyyat keçirdiyim üçün və həkimlər bir neçə gün telefonla danışmağın, mesaj yazmağın keçirdiyim əməliyyatdan dolayı mümkünsüzlüyünü söylədiklərindən ayrı-ayrılıqda zənglərinizə cavab verə bilmədim, mesajlarınıza cavab yaza bilmədim. Ailə üzvlərim sizlərə imkanlar daxilində cavab verməyə çalışdılar.
Hər birinizə minnətdaram. İnşallah Yaradanın, dəyərli həkimlərin köməyi və sizin kimi gözəl insanların duaları ilə yaxın günlərdə sağlığıma qovuşacam. Həkimlər təxminən 1 ay içərisində vəziyyətin yavaş-yavaş düzələcəyini deyirlər.
Yaradana şükürlər olsun. İnanıram ki, Onun dəstəyilə və sizin kimi gözəl insanların duaları ilə yavaş-yavaş yenə müxtəlif tədbirlər çərçivəsində görüşəcəyik. Allah hamınızdan razı olsun".
Xəbər lenti
İsrail “Hizbullah” döyüşçülərinin yerləşdiyi binaya zərbə endirib, ölənlər var
Qurbanların sayının artacağı istisna edilmir