Hafiz Hacıyevin əməliyyatdan sonrakı VƏZİYYƏTİ
Hələ də danışmağa çətinlik çəkdiyi hiss olunsa da...
Müasir Müsavat Partiyasının (MMP) sədri Hafiz Hacıyevin səhhətinin yenidən pisləşərək xəstəxanaya yerləşdirilməsindən xeyli vaxt keçib. Partiya sədrinin səhhəti ilə maraqlanmaq üçün özü ilə əlaqə saxladıq.
Artıq səhhətinin yaxşılaşmağa doğru getdiyini deyən Hafiz Hacıyev əməliyyat olunduğunu, əməliyyatdan sonra həkimlərinin köməyi ilə özünü yaxşı hiss etdiyini dedi. Amma hələ də danışmağa çətinlik çəkdiyi hiss olunan MMP sədri vurğuladı ki, həkimləri ona əsəblərə toxunacaq ictimai-siyasi məlumatlardan bir müddət kənarda qalmasını məsləhət görüblər.
Hafiz Hacıyev bizimlə söhbət zamanı fürsətdən istifadə edib səhhəti ilə bağlı onu arayan dostlara, həmkarlara, eyni zamanda jurnalistlərə təşəkkürünü də ifadə etdi:
"Sağ olsunlar, yaddan çıxartmırlar, tez-tez zəng edirlər. Düzdür, çox vaxt cavab vermək imkanım olmur, amma bunu diqqətsizliyim kimi anlamasınlar. Mən məni özünə dost bilən, sağlıq durumuma görə narahat olan hər kəsə minnətdaram. Xəstəxana elə bir yerdir ki, burdan kimin kim olduğu daha yaxşı görünür. Allah hamınıza can sağlığı versin, inşallah tezliklə görüşərik".
SEVDA
Versus.Az
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...