Xanqaraqoyunlu məktəbində Mehdi Hüseynzadənin yubileyi qeyd edilib
Bərdə rayon Otuzikilər kəndində şəhid Telman Qurbanov adına Xanqaraqoyunlu tam orta məktəbində Sovet İttifaqı Qəhrəmanı Mehdi Hüseynzadənin 100 illik yubileyi qeyd edilib.
Versus.Az xəbər verir ki, tədbirdə məktəbin direktoru Nizami İsayev başda olmaqla müəllim kollektivi və şagirdlər, o cümlədən kənd icra nümayəndəliyi və Qarabağ döyüşlərində iştirak etmiş bərdəlilər iştirak ediblər.
Tədbirdə M.Hüseynzadənin keçdiyi döyüş yolu, vətən uğrunda göstərdiyi qəhrəmanlıq tarixçəsidən danışılıb. M.Hüseynzadənin keçdiyi şərəfli döyüş yolunun hər bir Azərbaycan gənci üçün örnək olduğu önə çəkilib və gənclərimizin belə qəhrəmanlıq səlnaməsi yazmış igid oğullarımızdan ibrət götürmələri tövsiyə olunub.
Tədbirdə müharibə şəraitində olan Azərbaycanın qəhrəmanlar yetişdirdiyi, bu gün də torpaq uğrunda şəhidlər verdiyi qeyd olunub.
Anım tədbirində bütün şəhidlərimizin ruhuna dualar oxunub. Daha sonra şagirdlərin ifasında M.Hüseynzadəyə və Qarabağ şəhidlərinə həsr edilən şeirlər səsləndirilib.
Kamran Qafarlı
/bölgə müxbiri/
Versus.Az
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"