NATO-nun ilk daimi döyüş qrupu Rumıniyada yaradılacaq
290 |
Dünya
Fransanın komandanlığı altında NATO-nun ilk daimi döyüş qrupu alyansın şərq cinahının cənub hissəsində, Rumıniyada yerləşəcək.
Buna bazar günü NATO baş katibinin müavini Mirça Coana “Digi 24” telekanalına müsahibəsində bildirib.
“Gələn həftə NATO-nun müdafiə nazirlərinin çox mühüm toplantısı olacaq. Əminəm ki, Rumıniyada NATO-nun bu dəfə daimi döyüş qrupunun yaradılması ilə bağlı birgə qərar qəbul edə biləcəyik. Biz digər müttəfiqlərin də NATO-nun Rumıniyada daimi mövcudluğuna töhfə verəcəklərini gözləyirik”, - deyə hərbi ittifaq rəsmisi bəyan edib.
Qeyd edək ki, hazırda NATO-nun Baltikyanı ölkələrdə və Polşada dörd döyüş qrupu var. Polşada ABŞ, Estoniyada Britaniya, Litvada Almaniya, Latviyada isə Kanada alyans qüvvələrinə başçılıq edir.
Xəbər lenti
4 kəndin qaytarılmasına Rusiyadan REAKSİYA
Sərhəd xəttinin bu hissələrinin təsviri koordinatları...
