Müxalifətin bir araya gəlməsinin prioritetləri müzakirə edilib

Bu gün “Müxalifətin Zirvə” görüşü öz işinə başlayıb. Klassik Xalq Cəbhəsi Partiyasında baş tutan görüşdə AXCP, Müsavat, Real partiyaları və parlamentdə olan partiya sədrləri istisna olmaqla digər aktiv siyasi təşkilatlar iştiarak ediblər.

Versus.Az xəbər verir  ki, tədbiri “Boz qurd”çu İsgəndər Həmidov aparıb. Tədbir Dövlət Himni və Şəhidlərin ruhuna duaların oxunması ilə başlanıb.

Çıxış edən partiya sədrləri ölkədəki mövcud problemlərin həlli üçün müxalifətin bir araya gəlməsini əsas prioritet olaraq ortaya qoyublar.

Çıxışçılar mövcud ictimai-siyasi durumun, torpaqların işğalda qalması ilə bağlı yaşanan problemlərin aradan qaldırılması üçün müxalif qüvvələrin hansı adla olursa olsun, birliklər yaratmasını təklif ediblər.

SEVDA
Versus.Az