Hər gün 3 litr su için

Hər gün 3 litr su içməyin faydalarından təəccüblənəcəksiniz. Bu addımı atanlar səhhətlərində, çəkilərində və bədənlərində gözəçarpan dəyişikliklərin şahidi olublar.

Möcüzəvi bir şey yoxdur, belə ki, su orqanizmimizin düzgün fəaliyyətini təmin edir. Su oynaqları, onurğa beynini və gözləri qoruyan maddədir. Onlar isə ümumi sağlamlığımızda ən əhəmiyyətli rolları oynayır.

Gündə 3 litr su içməyi vərdiş halına çevirənlər aşağıda sadalanan faydaların şahidi olur:

1)    Orqanizmin su tələbatının tam ödənilməsi

Su daima orqanizmdən adətən tər və sidik yolu ilə xaric olur. Orqanizmin su tələbatı tam ödənilmədikdə o özünü zərərli maddələrdən təmizləyə bilmir. Bu isə sağlamlığda ciddi təhlükələrə səbəb olur. Əlavə olaraq, siz fəal həyat tərzi sürürsünüzsə, isti və tropik iqlimlərdə yaşayırsınızsa, həkimlər gün ərzində 6-8 stəkandan çox su içməyi məsləhət görürlər.

2)    Dərinin gözəlləşməsi

Gün ərzində 3 litr su içənlər dərilərində böyük dəyişikliklərin şahidi olur. Onların dəriləri daha şimal və təbii parlaq olur. Zərif qırışlar yox olur. Bu toksinləri orqanizmdən çıxaran təbii təmizləyici olan suyun faydasıdır. Su həm də dərini şux saxlayaraq daha uzun müddətdə gənc görünüş verir.

3)    Daha çox enerji

Suyun daha bir faydası ondan ibarətdir ki, beynin fəaliyyətini, gümrahlığı və refleksləri gücləndirir. Orqanizmin su tələbatını tam ödəyənlər özlərini daha cəld hiss edirlər, oynaqların daha hərəkətli və ağrısız olmalarını qeyd edirlər. Su tələbatının tam ödənilməsi immun sistemi üçün də çox vacibdir. Bu tələbatı tam ödəyənlər baş ağrılarının xeyli azalmasını və xəstəlikdən sonra qısa zamanda özlərinə gəlmələrini qeyd edirlər.

4)    Daha yaxşı həzm

Orqanizmin əsas funksiyalarından biri də həzmdir. Qəbul etdiyiniz qida enerjiyə çevrilir və su həzm prosesi daxil olmaqla orqanizmin fəaliyyətini artırır. Kifayət qədər su içənlər qəbz və həzm problemlərindən azad olur.

5)    Artıq çəkidən xilas olmaq

Fakt: şəkər istəmək orqanizmin su tələb etməsinin simptomu ola bilər. Orqanizmdə suyun miqdarı kifayət qədər olanda belə istəklər yox olur. Vaxt aşırı atışdırmalar ixtisar olanda isə orqanizm vaxtında və lazımi qədər qidalanır. İstənilən dieatadan da yaxşı - su sizin ümumi sağlam olmağınıza təminat verir və bu səbəbdən siz özünüzü daha yaxşı hiss edəcəksiniz, gözəlləşəcəksiniz.