“Şaxta babaya məktub”la tanınan şagirdə millət vəkilindən hədiyyə
İctimai Birliyin sədri 11 yaşlı Tufanın məktəbində olub
“Sosial şəbəkələrdə Şaxta Babaya yazdığı məktubla tanınan 11 yaşlı Tufan bizim də diqqətimizi çəkdi və onu yaxından tanımaq üçün Masallıya yollandıq”.
Versus.Az-ın məlumatına görə, bunu Tufanla görüşdən təəssüratlarını bölüşən Regional Hüquqi və İqtisadi Maarifləndirmə İctimai Birliyinin rəhbəri Arzu Bağırova bildirib.
Arzu xanım qeyd edib ki, Regional Hüquqi və İqtisadi Maarifləndirmə İctimai Birliyi olaraq Tufanın oxuduğu məktəbə yollanıblar:
“Bizi çox səmimi qarşılayan məktəbin direktoru Aytən Şükürova bizi təhsil ocaqları ilə tanış etdi. Tufan və məktəbin digər şagirdləri ilə görüşdük, özümüzlə gətirdiyimiz hədiyyələri onlara təqdim etdik”.
Arzu Bağırova görüş zamanı məktəbin müəllim kollektivinə və şagirdlərə dəyərli millət vəkilimiz Qənirə xanım Paşayevanın salamlarını çatdırıb. O, millət vəkilinin hədiyyə göndərdiyi kompyuter masasını Tufana təqdim edib və dərslərində uğurlar arzulayıb.
Qeyd edək ki, Masallının Bədəlan kəndindən olan 11 yaşlı Tufanın məktubu aşağıdakı kimidir:
“Salam, Şaxta baba. Mən bu il çox kədərliyəm. Çünki atamdan sonra anamı da itirdim. Çox darıxıram. Bilirəm, sən onları gətirə bilmərsən. Amma az da olsa, sevindirə bilərsən. Mən heç nə istəmirəm, nə istəsən gətirərsən”.
Xəbər lenti
Ombudsmandan BƏYANAT
"Soyqırımı hadisələrinə beynəlxalq miqyasda hələ də ədalətli mövqe bildirilməyib"