Qənirə Paşayeva "Qızıl Buta" mükafatına layiq görülüb
Millət vəkili Qənirə Paşayeva respondentlər arasında keçirilən rəy sorğusunun nəticələrinə əsasən, ölkəmizi beynəlxalq tədbirlərdə uğurla təmsil etdiyinə görə "Dünya Azərbaycanlıları" İctimai Maarif Mərkəzi tərəfindən "Qızıl Buta" mükafatına layiq görülüb.
Versus.Az-ın məlumatına görə, mükafatlandırma mərasimində çıxış edən millət vəkili Q.Paşayeva mükafata və ona göstərilən etimada görə təşəkkürünü bildirib:
"Bu seçkidə iştirak etmiş insanlara, Zaur bəyin simasında təçkilatın bütün üzvlərinə təşəkkür edirəm. Dünyada bir insanın qazana biləcəyi ən önəmli dəyər ona olan etimaddır. İnşallah Allah bizi bu etimada bundan sonra da layiq olmağa güc, qüvvə versin.
Tədbirdə iştirak edənləri də təbrik edirəm və hər birnə cansağlığı arzulayıram. Sağlam olasınız və güclənməkdə olan ölkəmizin daha da inkişaf etməsi üçün fəaliyyətinizi daha da artırasınız".
Qənirə Paşayeva qarşıdan gələn 31 Dekabr - Həmrəylik Günü və Yeni il bayramı münasibətilə də hər kəsə xoşbəxtlik və işlərində uğurlar arzulayıb:
"Cümhuriyyətimizin 100 illiyində və qadınlara seçmək və seçilmək haqqının verilməsində bu tədbirdə iştirak etmək, burada sizinlə olmaq çox gözəldir. Ali Baş Komandanımız, cənab Prezidentimiz İlham Əliyevin öz doğum günündə məcburi köçkünlərlə görüşdə söylədi ki, arzu edirəm 2019-cu il torpaqlarımızın işğaldan azad edilməsi istiqamətində uğurlu bir il olsun. Mən də bu arzuya qoşuluram. Cənab Prezidentin rəhbərliyi ilə bu istiqamətdə çox böyük işlər görülür. Onun da ən böyük hədəfi odur ki, xalqımızla birlikdə torpaqlarımızı işğaldan azad edək".
Millət vəkili tədbirin təçkilatçılarına və iştirakçılarına belə bir mükafatlandırma mərasimini gələn il Xankəndində, Şuşada, digər işğal altında olan torpaqlarımızda canlı yayımla qeyd etməyi arzulayıb:
"Hər birimizə bunu arzulayıram. Bu istiqamətdə Ali Baş Komandamızın ətrafında daha da sıx birləşməyimiz, daha da çox çalışmağımız vacibdir".
ARZU
Versus.Az
Xəbər lenti
Ermənistan və bir sıra xarici ölkələrin mediasında Azərbaycanla bağlı YALAN MƏLUMATLAR
"Bu, sistemli dezinformasiya hücumlarının tərkib hissəsidir"