Türkiyədən Yunanıstana NOTA
Rəsmi Ankara Egey dənizində türk balıqçı qayığına atəş açılması səbəbindən Yunanıstana etiraz notası təqdim edib.
Versus.Az xəbər verir ki, bu barədə Türkiyə Xarici İşlər Nazirliyinin məlumatında deyilir.
Bildirilib ki, 2 fevral 2022-ci il tarixində Yunanıstan Sahil Təhlükəsizliyi Xidmətinin bölmələri Qaraburun şəhərinin qərbində Türkiyənin “Baba Oğul” və “Esila Liyak” adlı balıqçı qayıqlarına atış açıb və nəticədə birinci qayıqdakı Türkiyə vətəndaşı güllə yarası alıb.
İnsident səbəbindən 23 fevralda Yunanıstanın Türkiyədəki səfiri XİN-ə çağırılıb və Egey dənizində balıqçılara qarşı qeyri-mütənasib güc tətbiqinə görə qarşı tərəfə etiraz notası təqdim edilib.
Nazirliyin açıqlamasında bildirib ki, Türkiyə balıqçı qayıqlarına edilən təzyiqlər naviqasiya azadlığının pozulmasıdır və bu, bir daha təkrarlanmamalıdır.
Xəbər lenti
“Azneft”in baş direktoru vəzifəsindən azad edildi
Onun əvəzinə Əli Qurbanov gəldi