Azərbaycan əsilli idmançı narahatdır
“Özüm Bakıda qalmışam, ailəm isə Ukraynadadır”
“Ukraynada vəziyyət pisdir. Övladım, həyat yoldaşım, valideynlərim Ukraynadadır. Özüm isə Bakıda qalmışam. Onlara görə narahatam”.
Versus.Az xəbər verir ki, bunu Ukraynada yaşayan Azərbaycan əsilli kikboksçu Alim Nəbiyev deyib.
27 yaşlı Gürcüstan azərbaycanlısı olan Alim Nəbiyev hazırda Bakıdadır. O, ailəsinin daha təhlükəsiz yerə, Ukraynaya qonşu olan Moldovaya getmək istədiyini bildirib:
“Binaları raketlərlə vururlar. Mən isə fevral ayından məşq keçmək üçün Bakıdayam. Ora əlim çatmır. Ukrayna və oradakı yaxınlarım üçün çox narahatam. Əlimdən heç nə gəlmir. Ancaq azərbaycanlıların Ukraynaya dəstəyini görürəm.
Düzdür, ruslar biz yaşadığımız Poltavaya hələ girməsələr də şəhərin 80 km yaxınlığındadırlar. Oradan şəhəri vururlar. Ona görə də ailəm Moldovaya getmək istəyir”.
Xəbər lenti
“Azərbaycan anlayır ki, Fransa bunu təkbaşına etmir”
“Hətta ABŞ Ermənistana heç bir təhlükəsizlik təminatı verə bilməz”