Qadın idmançıların sayı azaldı
Martın 5-də Çexiyanın paytaxtı Praqada start götürəcək Avropa Açıq turnirində Azərbaycanı qadın cüdoçular təmsil edəcək.
Federasiyanın Mətbuat Xidmətindən verilən məlumata görə, iki gün davam edəcək yarışda baş məşqçi Rəşad Məmmədovun rəhbərliyi altında 6 idmançı mübarizə aparacaq.
Turnirə Aydan Vəliyeva, Aişə Qurbanlı (hər ikisi -48 kq), Səbinə Əliyeva (-52 kq), Fidan Əlizadə (-57 kq), Aytac Qardaşxanlı (-63 kq) və Südabə Ağayeva (-70 kq) qatılacaq.
Qeyd edək ki, Avropa Açıq turnirində 46 ölkədən 589 (360 kişi, 229 qadın) idmançı mübarizə aparacaq.
Xatırladaq ki, bu yarışda 48 kq çəki dərəcəsində Şəfəq Həmidova da yarışmalı idi. Lakin, o hazırda müalicə aldığı üçün heyətdən çıxarılıb.
Xəbər lenti
Rusiyada yaradılan “terror dalğası” Azərbaycanı tuta bilərmi?
“Moskvadakı terrordan sonra Azərbaycanın düşmənləri baş qaldırmaqdadır”