Rusiyalı və belaruslu idmançılar KƏNARLAŞDIRILDI
Rusiyalı idmançılar Pekində keçiriləcək Qış Paralimpiya Oyunlarında iştirak edə bilməyəcəklər.
Versus.Az xəbər verir ki, bu barədə Beynəlxalq Paralimpiya Komitəsi qərar verib.
Bundan əvvəl rusiyalıların Pekində neytral statusda çıxış edəcəyi deyilmişdi. Lakin bir çox idmançı Beynəlxalq Paralimpiya Komitəsinin Rusiya idmançılarının qəbulu ilə bağlı qərarına yenidən baxılmayacağı təqdirdə Oyunlarda iştirakdan imtina ilə hədələyib. Bundan sonra Komitə tərəfindən müvafiq qərar verilib.
Qeyd olunur ki, Belarus idmançıları da Qış Paralimpiya Oyunlarında iştirak edə bilməyəcəklər. Ümumilikdə Rusiya və Belarusun 83 para-atleti bu yarışdan kənar qalıb.
Xatırladaq ki, Çinin paytaxtında keçiriləcək Paralimpiya Oyunları martın 4-dən 13-dək nəzərdə tutulub.
Xəbər lenti
Kirəcləşmə, duzlaşma oynaq xəstəliyi - osteoartrit
“Qığırdaq aşındıqca oynaq yükdaşıma, hərəkət kimi funksiyalarını itirir”