Sanksiyalar da rus ordusuna təsir etmədi

10:05 10-03-2022 | icon 464 | Geopolitika
Sanksiyalar da rus ordusuna təsir etmədi

Fuad Əliyev: "Zelenskinin NATO və ABŞ-dan gözlədikləri baş vermədi"

 

Ukrayna lideri Volodimir Zelenskinin son bəyanatları daha çox anti-Qərb ovqatındadır. ABŞ-NATO və Qərbi tənqid edən prezident, demək olar, hər gün Ukraynanı Rusiyanın hərbi aqressiyasından qorumamaqda günahlandırır. “Yeni Müsavat” bildirir ki, Zelenski ABŞ, NATO, Avropa Birliyinə bu tənqidlərində, israrlarında haqlı görünür. Çünki Ukraynaya hərbi və maddi yardım olsa da, NATO öz qoşunlarını göndərmir. Belə ehtimal yaranır ki, Zelenskiyə əvvəldən fərqli vəd verilibmiş.

 

Ukrayna prezidenti bunu müharibə başlayandan az sonra anladı, amma gec idi. O, döyüş meydanında tək qalmışdı. Hazırda Ukraynaya havada hərbi dəstək lazımdır, fəqət ABŞ-a tam əksi - sanksiyalar. Odur ki, Rusiyaya tətbiq edilən paket-paket ağır sanksiyalar onu Ukraynaya hücumlarından daşındırmır. Faktiki olaraq, iki həftədir müharibə gedir və iqtisadi cəzalar Rusiyanı dayandıra bilməyib. O baxımdan Zelenskinin bu mərhələdə ABŞ-dan ümidini tam kəsib Putinlə danışıqlara getməsinə ümid etmək olarmı?

 

NATO bu dəfə ona həm dini, həm siyasi, həm də hərbi aspektdən daha yaxın, birmənalı olaraq müttəfiqi olan Ukraynanı və onun mülki əhalisini Rusiyanın hava hücum vasitələrinin zərbələrindən qorumaq istəmədi?

 

Azərbaycan Liberal-Demokrat Partiyasının (ALDP) sədri Fuad Əliyevin fikrincə, NATO-nun hansısa bloka üzv olmayan ölkədə “uçuşa qadağan zona” rejimini tətbiq etməsi üçün mütləq BMT Təhlükəsizlik Şurasının qətnaməsi olmalıdır. Belə bir qətnamə hələ ki qəbul olunmayıb.

 

Fuad Əliyev Ukrayna liderinin Qərb cəbhəsindən daha böyük gözləntiləri olduğunu düşünür. Partiya sədrinin sözlərinə görə, Zelenski NATO qoşunlarının rus ordusunu bombardman edəcəyinə ümid bəsləyirdi: 

“Amma müharibədən əvvəl Bayden bəyan eləmişdi ki, amerikalılarla ruslar bir-birinə güllə atsalar, üçüncü dünya müharibəsi başlaya bilər. Bu açıqlamadan Ukrayna prezidenti nəticə çıxarmalı və savaşın olmaması üçün Rusiyanı bu niyyətindən çəkindirici açıqlamalar verməliydi. Amma heç biri olmadı və sanksiyalar nə qədər Rusiya iqtisadiyyatına zərbələr vursa da, Ukrayna şəhərlərinin bombalanması, dinc insanların ölməsi, humanitar fəlakətin yaşanması, qaçqın seli qədər faciəvi ola bilməz. Fakt budur ki, bu sanksiyalar rus ordusunu geri çəkilməyə məcbur edə bilmir”. 

 

Fuad Əliyev hesab edir ki, NATO və ABŞ qoşunlarının Ukraynada döyüşlərdə iştirak etməyəcəyini Zelenski bilməliydi: 

“Ona görə indi ”sənə güvənən dağlar, sənə də qar yağarmış" tərzində açıqlamalar verir, Qərbi günahlandırır, bu tənqidləri ilə beynəlxalq dəstəyin artacağına ümid edir". /Yeni Musavat/

Xəbər lenti

InvestAZ

Ən çox oxunan xəbərlər

Əfəndilər, Yardımlı da Azərbaycandır

Röyanın Moskva konserti təxirə salındı - SƏBƏB?

Moskvadakı dəhşətli terrorda ölənlərin sayı 150-yə çatıb

Rusiyada teraktda yaralananların durumu açıqlanıb

Ayılar üçün maraqlı əyləncə

Artritə səbəb olan 5 mühüm SƏHV

İdmançımız Almaniyada keçirilən turnirdə ikinci qızıl medalını qazanıb

Tarixçidən maraqlı faktlar

Gündə 1 dəqiqə cəfəri çeynəyin

Şəfalı olduğu düşünülən bu bitkilər böyrəkləri çürüdür

İtlər hətta simvolları da anlayırlar

Ən sürətli qol

Gimnastlarımız Dünya Kubokunda finala yüksəliblər

Dəri problemlərindən mərciməklə xilas olun

Bu iki ədviyyatı birgə istifadə edin