Avropa Parlamentinin daha bir ƏSASSIZ QƏTNAMƏSİ
Fuad Əliyev: "Bu qətnamə həqiqətdən uzaqdır və saxta “məlumatlara” əsaslanır"
“Avropa Parlamentinin Azərbaycana qarşı qərəzli mövqeyinin növbəti dəfə şahidi olduq. Avropa Parlamentinin sonuncu qətnaməsi həqiqətdən uzaq, saxta, yalan “məlumatlara” əsaslanaraq qəbul edilib”.
Versus.Az xəbər verir ki, bunu açıqlamasında Azərbaycan Liberal Demokrat Partiyasının (ALDP) sədri Fuad Əliyev deyib.
ALDP sədri bildirib ki, Avroparlamentin ölkəmizə qarşı belə qərəzli mövqelərinin bir neçə dəfə şahidi olmuşuq:
“Ermənistanın torpaqlarımıza edilən 30 illik işğalı zamanı Azərbaycana məxsus mədəni irs tamamilə məhv edilib. Niyə Avropa Parlamenti buna susub? Ermənilərin bu vandal hərəkətini qınayacaq bir kəlmə belə demədilər. Amma indi yalan məlumatlar əsasında çıxış edir - güya işğaldan azad edilən ərazilərdə ermənilərini mədəni irsi məhv edilir".
Fuad Əliyev vurğulayıb ki, bu abidələrin alban mənşəli olduğu və ermənilərin bu abidələri erməni abidəsi kimi dünyaya təqdim etməyə çalışdığı hamıya məlumdur:
“Ermənilər 30 il ərzində Alban abidələrini dağıdıblar, alban mədəni irsinə aid olan bütün məlumatları siliblər. Azərbaycan isə diqər dinlərə aid olan abidələri bərpa edir, qoruyur. Azərbaycanda onlarla sinaqoq və kilsələr var. Avropa Parlamentinin deputatları bunu bilmirlər? Əlbəttə ki, bilirlər. Sadacə bu, Azərbaycana qarşı yürüdülən ədalətsiz, ikili siyasətin, təzyiq siyasətinin tərkib hissəsidir”.
SEVDA
Versus.Az
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi