417 |
Qarabağ
Azərbaycanın BMT-yə qəbul edilməsinin 30-cu ildönümü münasibəti ilə BMT-nin nümayəndələri Şuşaya yollanıblar.
Bu barədə məlumatı Azərbaycan Respublikası Prezidenti Administrasiyasının Xarici siyasət məsələləri şöbəsinin müdiri Hikmət Hacıyev öz “Twitter” hesabında paylaşıb.
“Biz Azərbaycanda akkreditasiyadan keçmiş BMT ailəsi ilə Şuşanı ziyarət etmək üçün Xankəndi adı verilmiş təyyarə ilə Füzuli aeroportuna uçuruq. Azərbaycanın BMT-yə qəbul edilməsinin 30-cu ildönümü BMT institutları ilə Şuşada qeyd ediləcək. BMT bayrağı azad edilmiş Şuşada dalğalandırılacaq”, - Hikmət Hacıyev qeyd edib.
Qeyd edək ki, BMT-nin Azərbaycandakı rezident-koordinatoru Vladanka Andreyeva və BMT-nin Azərbaycandakı agentlik rəhbərləri Füzuli hava limanı ilə tanış olublar. Onlar Füzuli hava limanına təyyarə ilə gediblər.
Qonaqlar hava limanı ilə tanışlıqdan sonra Zəfər Yolu ilə Şuşaya səfər edəcəklər.
