“Artıq xəstəliyimi sevməyə başlamışam”

“Xərçənglə sevgi oyunu oynayıram, onu sevməyi öyrənirəm. Hərçənd deyirlər ki, xərçəngi sevmək olmaz. Amma mən xərçəngi sevirəm. Onun şıltaqlığını qəbul etməyə başlamışam… Bilirəm ki, bu elə xəstəlikdi ki, məndən bir də əl çəkməz”.

Versus.Az xəbər verir ki, xalq artisti Fuad Poladovun xəstəliyi ilə bağlı paylaşdığı fikirləri sosial şəbəkədə hər kəs duyğusallıqla paylaşır. F.Poladov yazıb:
“…Sadəcə bir az xərçəngdən möhlət istəyirəm. Ona görə də onunla oynayıram… Duyğusal görünmək istəməmişəm heç vaxt. Amma deyəsən bu xəstəlik məni bir az duyğusal edə bildi. Ata olaraq arzularım var. İki övladım var. Qızım ailə qurub. Amma oğlumu evləndirməmişəm. 28 yaşı var. Oğlumun toyunu görmək, onu yerbəyer etmək istəyirəm. Buna görə xəstəliyimdən möhlət istəyirəm. Çox istərdim ki, oğlumdan da arxayın olum, bilim ki, ailə sahibidi. Bu məni sakit edə bilər. Hər ata kimi oğul toyunu görmək arzum var. Buna görə Allahımdan da, xəstəliyimdən də möhlət istəyirəm”.

Mirvari
Versus.Az