Laçın məktəbində həmrəylik günü və yeni il şənliyi

Bütün təhsil ocaqlarında olduğu kimi, Ağcabədi rayonunda yerləşən Laçın şəhər 37 saylı tam orta məktəbdə də 31 dekabr - Dünya Azərbaycanlılarının Həmrəylik günü və Yeni İl bayramı təmtəraqlı qeyd edilib. 

Versus.Az-ın məlumatına görə, bayram şənliyi Azərbaycanın Dövlət Himni ilə başlayıb. Sonra məktəbin direktoru Səxavət Məmmədov çıxış edərək müəllim kollektivini, şagird və valideynləri təbrik edərək, onlara cansağlığı arzulayıb. Növbəti ili Laçında qarşılamaq arzusunu dilə gətirən S.Məmmədov, o günün artıq yaxınlaşmaqda olduğunu qeyd edib.

Məktəbin 2018-ci ildə əldə etdiyi uğurlardan danışan S.Məmmədov növbəti ildə daha yüksək nəticələrə nail olmağı qarşılarına məqsəd qoyduqlarını deyib.

Tədbir şagirdlərin yeni il səhnəcikləri, mahnı və rəqsləri ilə davam edib.

Laçın məktəbindən hazırlanmış videonu təqdim edirik.