Erməni şəri

Qazaxıstanın Karaqanda şəhərindəki cinayətdən sonra situasiya idarəolunmaz vəziyyətdədir. Bu durum bizim həmvətənlərimizi narahat vəziyyətdə saxlayır, onların təhlükəsizliyini təhdid altında qoyur.

Versus.az xəbər verir ki, bu bəyanatı İşıqlı Ermənistan Partiyasının rəhbəri Edmon Marukyan paylaşıb. Populist siyasətçi Karaqandadakı baş verən cinayətin guya azərbaycanlıların günahı ucbatından törədildiyini iddia edib:

“İlkin müşahidələr göstərir ki, azərbaycanlılar millətlərarası mübahisəni alovlandırıb, onu antierməni aksiyasına çeviriblər. Son məlumatlara görə, millətlərarası və dini düşmənçiliyin alovlandırılması şübhəsi ilə araşdırma başladılıb. Situasiyanın çətinləşməsi ucbatından Ermənistan Xarici İşlər Nazirliyini təcili olaraq Qazaxıstan səfirini XİN-ə dəvət etməli və ondan Karaqanda şəhərində davam edən proseslərlə bağlı aydınlıq gətirilməsi tələb edilməli, rəsmi Astananın həmvətənlərimizin haqlarının müdafiəsi üçün hər şeyi etdiyinə əmin olunmalıdır”.

Qeyd edək ki, yanvarın 1-də Qazaxıstanın Karaqanda şəhərində yerləşən “Qədim Roma” restoranında kütləvi dava zamanı ermənilər 1 qazaxı öldürüb, 3-nü isə yaralayıb. Davanın iştirakçısı olan 2 erməni və 1 qazax həbs edilib. Bundan sonra qazaxlar ermənilərə qarşı aksiyalara başlayıblar.

Hətta bir neçə qazax millətçisi azərbaycanlılara məxsus “Bakı” restoranını erməni restoranı hesab edərək, buranın müvəqqəti bağlanmasını tələb ediblər.

Versus.az