"7 dairədə seçkilərin təşkilində MƏNTİQ YOXDUR"
"Ən yaxşısı referendum keçirib proporsional sistemə keçidi səsə qoysunlar"
"Əhalinin 300 min nəfərinin deputatı var, yerdə qalan seçicilərin deputatı yoxdur. Bu gün parlamentdə vur-tut beş-altı deputatın fəaliyyəti görünür".
Versus.Az xəbər verir ki, bunu parlamentdə boş qalan yerlərə seçkilərin niyə keçirilmədiyi ilə bağlı açıqlamasında Azərbaycan Liberal Demokrat Partiyasının (ALDP) sədri Fuad Əliyev bildirib.
Partiya sədri yeddi dairədə seçkilərin təşkilində bir məntiq görmədiyini vurğulayıb:
“Hesab edirəm ki, əksinə, 300 min əhalinin deputatı var, yerdə qalan seçicilərin deputatı yoxdur. Bu gün parlamentdə vur-tut beş-altı deputatın fəaliyyəti görünür, vətəndaşların, seçicilərin problemlərindən danışırlar, dairələrdə görüşlər keçirirlər. Qalanlarının heç bir fəaliyyəti yoxdur. Yəqin ki başları öz şəxsi problemlərinə qarışıb. Bu baxımdan hesab edirəm ki, boş qalan dairələrə seçkilərin keçirilməsi məntiqəuyğun deyil".
Fuad Əliyev qeyd edib ki, ən yaxşısı referendum keçirib bir neçə vacib məsələlərlə yanaşı, seçkilərin proporsional sistemə keçirilməsi məsələsini səsverməyə çıxarsınlar:
"Referendum keçiriləndən sonra yeni parlament seçkiləri təyin etmək olardı. Fikrimcə, bu daha məntiqli olar”.
SEVDA
Versus.Az
Xəbər lenti
Klipi üçün 10 kilo çəki atdı
Pərviz Mahmudov "Vurulmuşam" dedi