İlqar Altay: “ Biz prosesləri yaratmırıq, proseslər bizi idarə edir”
“Bizim ictimai-siyasi mühit incəsənətin meyxana, deyişmə növü ilə səciyyəlidir - yeniliksiz, kreativsizlik, təşəbbüssüszlük, nizamsızlıq. Yeni il ərəfəsi həbsdəki bloqqerə qarşı haqsızlıq olmasaydı və o da etiraz olaraq aclıq etməsəydi, yəqin ki, cəmiyyətdə heç bir aktivlik görünməyəcəkdi. ”
Bunu Versus.Az-a siyasi ekspert İlqar Altay yeni ildə Azərbaycanın ictimai-siyasi həyatında yaranan yeni aktivliyin istiqamətləri ilə bağlı açıqlamasında bildirib.
İ.Altay bildirib ki, elə bir duruma çatmışıq ki, hadisələr, proseslər bizi qabaqlayır, biz onların arxasınca sürünürük.
“ Biz prosesləri yaratmırıq, idarə edə bilmirik, proseslər bizi idarə edir. Ona görə də sönmə kütləşmə gedib. Sanki, bizim ictimai-siyasi mühit incəsənətin meyxana, deyişmən növü ilə səciyyəlidir - yeniliksiz, kreativsizlik, təşəbbüssüszlük, nizamsızlıq. Bir gənc bloqqerin inadı, mübarizliyi, enerjisi bir böyük ictimai-siyasi oyadıb hərəkətə gətirib. Bilmirəm, Mehman aclığı dayandırandan sonra nə olacaq”.
İ.Altay yeni ildə siyasi partiyalardan müəyyən gözləntilərin həyata keçirilməsi istəyini də ortaya qoyub. Bildirib ki, bir-birinə ideoloji, mövqe və ölçü baxımından uygun olan siyasi partiyalar birləşsə yaxşı olar, daha özlərinə "sputniklər" hesabına süni birlik düzəltmələrlə yox.
“ Bu birliklərdə enerjilərini bir-biri ilə rəqabətə yox, özünüqurma və inkişafa sərf edərlər. Bizim xalqın arxayınçılığı və ölkənin də siyasi inkişaf tamlığı, yetkinliyi o zaman olacaq ki, iqtidara alternativ və ölkəni idarə etmək yetkinliyinə hazır, real, güclü müxalifətimiz olacaq”.
Ləman
Versus.Az
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...