“İlin ilk siyasi tədbiri”
Müxalifət partiyası sədrlərinin ötən şənbə günü baş tutan görüşü, fakt olaraq diqqəti cəlb edir.
Bunu Versus.Az-a siyasi ekspert Əlabbas Məhərrəmli yeni ildə Azərbaycanın ictimai-siyasi həyatında aktivliyi ilə müşahidə olunan məsələlərə baxış keçirərkən bildirib.
“Hələlik yeni ilin cəmi bir həftəsi geridə qalıb. Ona görə də, indidən hansısa istiqamətdə xüsusi fəallığın olduğunu söyləmək tezdir. Ümumilikdə isə, siyasi fəaliyyətdə istirahət dövrü və ya mövsümilik olmur. Bu, fasiləsiz fəaliyyətdir. Müəyyən dövrlərdə durğunluq, zəifləmə ola bilər, ancaq siyasi fəaliyyət “yenidənyükləmə” deyil. O baxımdan, məncə siyasətçidə adaptasiya problemi olmamalıdır”.
Ə.Məhərrəmli bildirib ki, ölkənin siyasi həyatındakı yeni addımı kimi bir çox müxalifət partiyası sədrlərinin ötən şənbə günü baş tutan görüşünü vurğulamaq olar.
“Bildiyim qədər, həmin görüşdə hər hansı konkret qərar qəbul olunmayıb. Lakin fakt olaraq, ilin ilk siyasi tədbiri kimi diqqəti cəlb edir”.
Ekspert bildirib ki, həmin görüşdə iştirak edən partiya sədrlərinin müəyyən format yaratmaq niyyətləri ortadadır. Ancaq buna nail olub-olmayacaqları müzakirələrin gedişindən, ortaq məxrəc tapmalarından asılı olacaq.
“Yəqin ki, qarşıdakı dövrdə bu məsələ aydınlaşacaq. Susqunluğa gəldikdə isəbunu ölkədəki ümumi vəziyyətlə əlaqələndirərdim”.
Ləman
Versus.Az
Xəbər lenti
Azərbaycan və Ermənistan arasında delimitasiya prosesi BAŞLADI
Komissiyanın səkkizinci görüşünün yekunları üzrə...