Mətin Məmmədli: "Qurultayın Şuşada keçirilməsinin mənəvi, rəmzi, həm də siyasi əhəmiyyəti var"

“Bu, dünya azərbaycanlılarının siyasi baxımdan konsilidasiya olunmasında önəmli məqamdır”. 

Versus.az xəbər verir ki, bunu siyasi şərhçi Mətin Məmmədli Şuşa Zəfəri ilə bağlı açıqlamasında bildirib.

M.Məmmədli hesab edir ki, V Qurultayın bu il Şuşada keçirilməsinin həm mənəvi, həm rəmzi, həm də siyasi əhəmiyyəti var. Təbii ki, orda verilən açıqlamalar daha çox diqqəti cəlb eliyəcək.

Onun sözlərinə görə, Dünya Azərbaycanlılarının Qurultayı işğaldan azad olunduqdan sonra Şuşanın tək mədəniyyət şəhəri deyil, həm də siyasi qərarların qəbul olunduğu mərkəzlərdən biri kimi də gündmdə olmasına ciddi təkan verəcək:

“Şuşada belə formatda təbirlərin keçirilməsi milli maraqlarımıza uyğundur. Dünya Azərbaycanlılarının qurultaylarının belə ənənəvi hala çevrilməsi müsbət haldır və bütövlükdə dünya azərbaycanlılarının siyasi baxımdan konsilidasiya olunmasında önəmli məqamdır. Şuşa uzun müddət işğal altında qalıb. Bu gün də bilirsiz ki, Qarabağda yaşayan ermənilər  bu yerlərə olan iddialarından geri durmayıblar. Bu mənada bu gün azərbaycanlıların bir araya gəlib birlik nümayiş etdirməsi mühüm əhəmiyyət kəsb edir”.

LƏMAN
Versus.az