Naibə Hacıyevaya MMP-nin fəxri fərmanı təqdim edilib
Xəbər verdiyimiz kimi, aprelin 22-də Şuşa şəhərində Dünya Azərbaycanlılarının V Qurultayı – Zəfər Qurultayı keçirilib.
Versus.Az xəbər verir ki, bu Qurultaya Alman-Azərbaycan Dostluq Cəmiyyətinin sədri Hacıyeva Naibə Bayram qızı da qatılıbı.
Qurultaydan sonra Naibə xanım Müasir Müsavat Partiyasının (MMP) qərargahında olub. Qərargahda Naibə xanımı partiya sərdi Hafiz Hacıyev adından onun müavini Könül İsmayılova qarşılayıb.
Görüşdə Azərbaycanı Avropada ləyaqətlə təmsil etdiyinə, 44 günlük müharibədə çox böyük fədakarlıq göstərdiyinə görə N.Hacıyevaya MMP-nin fəxri fərmanı təqdim edilib.
Qeyd edək ki, Naibə xanım 32 ildir Almaniyanın köhnə paytaxtı Bon şəhərində yaşayır. O, sahibkar xanımdır. 30 ildir vətənimiz Azərbayacana görə çox işlər görüb. Həm birinci Qarabağ müharibəsində, həm də 44 günlük Vətən müharibəsində çox böyük fədakarlıq edib. Hər zaman dövlətinin, xalqının yanında olub.
Naibə xanım Almaniyada vətənimizi layiqincə təmsil edir. O, bir neçə dəfə çətinliklərlə üzləşsə də, bu günə kimi qorxmadan, çəkinmədən fəaliyyətini davam etdirir.
LƏMAN
Versus.Az