Razi Nurullayev: "Rüşvətxorun, dələduzun tərcümeyihalını korlamaq istəmirlər, səbəb?"
Azərbaycanda kimisə işdən çıxarmaq istəyirlərsə, ona ərizə yazdırırlar ki, "könüllü istefa verir", "sağlamlıq durumuna görə işini tərk edir" və digər həqiqəti əks etdirməyən səbəblər".
Versus.Az xəbər verir ki, bunu parlamentdəki çıxışında deputat Razi Nurullayev bildirib.
Razi Nurullayev bu praktikanı iki səbəbdən ziyanlı hesab etdiyini vurğulayıb:
"Birincisi, vətəndaşın əmək hüquqları pozulur, konkret olaraq onu təzyiq və təhdid altında ərizə yazmağa məcbur edirlər. İkincisi, belə çıxır ki, oğrunun, rüşvətxorun, dələduzun tərcümeyihalını korlamaq istəmirlər və sabah da o gedib başqa yerdə daha gözəl işə düzəlir, orada da dağıdıcı fəaliyyətini davam etdirir. Hər iki halda ziyan görən cəmiyyət və bizim gələcəyimizdir".
R.Nurullayev bildirib ki, hər iki halda qanun pozulur, hər iki halda saxtakarlıq edilir:
"Bu praktika bütün dövlət orqanlarında və özəl sektorda baş verir. Bu praktikanın dayandırlmasını və qanunun tələb etdiyi şəkildə, zor və təzyiq, o cümlədən əsassız güzəşt olmadan həyata keçirilməsini istəyirəm".
LƏMAN
Versus.Az
410 |
Siyasət
