Ümummilli liderimizin ana dilimizə qayğısı və XİDMƏTLƏRİ

14:30 28-04-2022 | icon 271 | Siyasət
Ümummilli liderimizin ana dilimizə qayğısı və XİDMƏTLƏRİ

 Musa Quliyev: “Millətə sayğı onun dilinə qayğısından başlayır”

 

“Hər bir xalqın milli kimliyi onun dilindən başlayır. Dilin saflığı millətin saflığı deməkdir. Dilin zənginliyi millətin mənəvi zənginliyinin ifadəsidir. Latın dili yaşayır, Latın deyilən bir xalq yoxdur. Dil bu halda xalqını da yaşadır”.

 

Versus.az xəbər verir ki, bu barədə Milli Məclisin deputatı Musa Quliyev özünün sosial şəbəkə hesabında yazıb.

 

Bu, elə həmin ərəfədə Dünya Azərbaycanlılarının Şuşa Zəfəri – V qurultayında Azərbaycan dilinin xarici ölkələrdə yaşayan azərbaycanlı ailələrdə qorunması ilə bağlı Prezidentin tövsiyələri fonunda xüsusilə maqar kəsb edir.   

 

Quliyev bildirib ki, dili özündən əvvəl ölüb tərg olan xalqlar da var, bədbəxdirlər və yavaş-yavaş xalq kimi yox olmağa məhkumdurlar:

 

“Sovetlər imperiyasının içərisində yaşadığımız illərdə bu faciə bizi də gözləyirdi. Altmışıncı illərin sonlarında artıq Bakı rus dilli bir şəhərə çevirilməkdə idi. 

Nə yaxşı ki, o illərdə Ulu Öndər Heydər Əliyev Respublikamızın rəhbərliyinə gəldi və çökməkdə, tənəzzüldə olan bir məmləkəti yenidən dirçəlmək uğrunda mübarizəyə başladı. Ulu öndər təkcə məhv olmaqda olan iqtisadiyyarımızı dirçəltmədi, həm də sosial və mənəvi varlığımıza da yeni nəfəs gətirdi, yeni ümidlər verdi.

Milli-mənəvi dəyərlərimiz Ümummilli Lider Heydər Əliyev tərəfindən həm onun rəhbərliyinin Sovet dönəmində, həm də müstəqillik dövründə yüksək qiymətləndirilmiş, həmişə uca tutulmuş, O, xalqın mənəvi yaddaşının qorunması və zənginləşməsi üçün, fərman və sərəncamlar vermiş, əməli işlər görmüşdür”. 

 

M.Quliyev bildirib ki, dilimizin son 50 ildəki inkişafı, onun dövlət dili, hüquq, siyasət, elm, diplomatiya dili səviyyəsinə qalxması, ümummilli lider Heydər Əliyevin ana dilimizə qayğısı və xidmətləri ilə bağlıdır:

 

“Heydər Əliyevin 14 iyul 1969-cu ildə Azərbaycan Kommunist Partiyası Mərkəzi Komitəsinin birinci katibi seçilməsinə qədər Azərbaycan dili ölkəmizdə ikinci dil, məişət dili idi. Sovet hakimiyyətinin o dönəmində ölkədə bütün yazışmalar, rəsmi çıxış və məruzələr, ictimai-siyasi və elmi toplantılar rus dilində aparılırdı. Bu dönüş Heydər Əliyevlə başladı, özü nümunə oldu, digər partiya-dövlət işçilərini və elm – istehsalat rəhbərlərini də ana dilimizdə danışmağa, çıxışlar etməyə məcbur etdi.

Məhz Heydər Əliyevin siyasi iradəsi və qətiyyəti sayəsində 1978-ci ildə Azərbaycan Respublikasının Konstitusiyasına, Azərbaycan dilinin dövlət dili olması müddəası salındı. İndi bu sözləri yazmaq və söyləmək çox asandır, o zaman isə Ümumittifaq dövlətin rus şovinizmi basqısı altında bu işləri görmək böyük cəsarət və siyasi müdriklik tələb edirdi.

 

Dilin xalqın və dövlətin həyatında müstəsna əhəmiyyətini vurğulayan Heydər Əliyev deyirdi:

“İnkişaf etmiş zəngin dil mədəniyyətinə sahib olan xalq əyilməzdir, ölməzdir, böyük gələcəyə malikdir. Ona görə xalqımıza ulu babalardan miras qalan bu ən qiymətli sərvəti hər bir Azərbaycan övladı göz bəbəyi kimi qorumalı, daim qayğı ilə əhatə etməlidir”.

 

Ulularımızı hər zaman rəhmətlə anaq, dilimizi qoruyaq, zənginləşdirək, başqa dillərin içərisində əriməyə yol verməyək! Dil təkcə ünsiyyət vasitəsi deyil, həm də şəxsiyyət hadisəsidir”.

 

Versus.az

Xəbər lenti

InvestAZ

Ən çox oxunan xəbərlər

"Laçında bərpa işləri sürətlə davam edir"

Kəlbəcər, Laçın və Ağdamdakı mövqelərimiz ATƏŞƏ TUTULUB

Bakıya meydan oxuyan “sülhməramlılar”

Qrup mərhələsinin III turunda daha dörd oyun keçiriləcək

Mundiallar tarixində İLK

Şəhid ailələri və qazilər üçün daha 400-dən çox fərdi evin tikintisi yekunlaşıb

DTX-nın NAXÇIVAN ƏMƏLİYYATI

Bakıda Kuzey Kıbrıs Türk Cümhuriyyətinin 39-cu ildönümü qeyd olundu

Laçında məhv edilən erməni postundan GÖRÜNTÜLƏR

Fransızlar və amerikalılar ATƏT-in Minsk qrupunu dəfn etdilər

İranın anti-Azərbaycan xarakterli hərəkətləri

Fransa öz keçmişi ilə üzləşməli, bəşəriyyətdən üzr istəməlidir

Əlisa Nicata maliyyə yardımı göstəriləcək

İlk qar da yağdı

“Şuşa ili”nə həsr olunan “270-ci səhifə” - SƏNƏDLİ FİLM