“Partiyamız Yeni Azərbaycan Partiyasını əvəzləyəcək”
Ramil Hüseynov: “Biz həmişə dövlətimizin, millətimizin adamı olacağıq”
Azərbaycan Dirçəliş və Tərəqqi Partiyasının rəhbərliyi Suraxanı və Xəzər rayon təşkilatlarının üzvləri, bir qrup Vətən Müharibəsi qazilərinin iştirakı ilə Binə qəsəbəsində yerləşən Şəhidlər Xiyabanını ziyarət ediblər. Partiya üzvləri və tərəfdarları toplantıya qatılaraq ölkədəki ictimi-siyasi, sosial vəziyyəti müzakirə edib, təkliflərlə çıxış ediblər.
Bu barədə Versus.az-a partiyadan bildirilib. Verilən məlumata görə, tədbir Dövlət Himni ilə başlayıb.
Məlumatda bildirilib ki, Azərbaycan Dirçəliş və Tərəqqi Partiyasının sədrinin birinci müavini Nurəddin Quliyev tədbiri açaraq, qarşıda duran məsələlər və hazırki siyasi vəziyyətlə bağlı məlumatlar verib. O, siyasi müxalifət partiyaların fəaliyyətindən də söz açıb. “Güclü müxalifət yoxdursa, orda nə güclü dövlət, nə də ədalətli hakimiyyət olar”-deyən N.Quliyev partiya olaraq Azərbaycan siyasətində yeni bir yol açdıqlarını qeyd edib.
Partiyanın sədr müavinləri Təyyar Yəhyayev, Aybəniz Qafarlı və rayon təşkilatının üzvləri çıxış ediblər.
T.Yəhyayev sosial problemlərə toxunub, gənclərin sağlam böyüməsi üçün dövlət qayğısının əhəmiyyətini vurğulayıb. O, bildirib ki, Azərbaycanda ən böyük məsələlərdən biri olan “uşaq pulunun” verilməsi problemi nəhayət həllini tapmalıdır.
“Əks halda, ailə bünövrəsində sağlam gələcəyin yetişməsi üçün böyük nöqsanlar üzə çıxır”-deyə, sədr müavini qeyd edib.
A.Qafarlı çıxışında gənclərin düzgün yetişdirilməsi və təhsilə xüsusi diqqətin ayrılmasının əhəmiyyətini qeyd edib. Xanım siyasətçi, dövlətin, millətin gələcəyinin təhsil üzərindən bərqərar olunduğunu vurğulayıb. O, “təhsilsiz millət məhvə məhkumdur”-deyə, bu gün əsas diqqətin təhsilin inkişafına yönəldilməsini vacib sayıb.
Sonda partiyanin sədri Ramil Hüseynov dünyadaki siyasi vəziyyət və onun ölkəmizə təsirləri barədə partiya üzvlərini məlumatlandırıb. O, gələcək fəaliyyətlərinin daha da uğurla davam etdirilməsi üçün öz tövsiyyələrini iştirakçıların nəzərinə çatdırıb?
“Mən həmişə demişəm: Yeni Yolu seçən partiyamız Yeni Azərbaycan Partiyasını əvəzləyəcək”
“Biz heç kimin adamı deyilik, biz dövlətin və xalqın adamıyıq. Kimsə bizim adamımız olmaq istəyirsə, buyursun gəlsin adamımız olsun. Biz isə həmişə dövlətimizin, millətimizin adamı olacağıq” - R.Hüseynov bildirib.
LƏMAN
Versus.az
Xəbər lenti
Rusiya Moskva yaxınlığındakı terrorda "Ukrayna izi" TAPDI
İstintaq terror aktının icraçılarının Ukraynadan...