...mahnıların, meyxanaların... kriminallaşdırılması məsələsi qaldırılmalıdır”
“Narkotik vasitələrin, psixotrop maddələrin, onların prekursorlarının və güclü təsir edən maddələrin qanunsuz dövriyyəsinə qarşı mübarizənin gücləndirilməsi məqsədilə bir sıra qanunvericilik aktlarına edilən dəyişiklikləri müsbət qarşılayıram”.
Versus.az xəbər verir ki, bunu Aydınlar Partiyasının sədri, hüquqşünas Qulamhüseyn Əlibəyli narkotik vasitələrin, psixotrop maddələrin, onların prekursorlarının və güclü təsir edən maddələrin qanunsuz dövriyyəsinə qarşı mübarizənin gücləndirilməsi məqsədilə Qanuna və bir sıra digər qanunvericilik aktlarına dəyişikliklərin edilməsi barədə normativ hüquqi aktların imzalanmasına dair açıqlamasında bildirib.
Q.Əlibəyli hesab edir ki, bu dəyişikliklər hətta bir qədər geçikib. Onun fikrincə, narkotik vasitələrin, psixotrop maddələrin, onların prekursorlarının və güclü təsir edən maddələrin qanunsuz dövriyyəsi ictimai əxlaqa, ictimai mənəviyyata və hüquq qaydalarına böyük ziyan vurur və milli təhlükəsizliyimiz üşün təhdidlər yaradır.
Ona görə də bu əməllərə qarşı mübarizənin hüquqi tədbirlər vasitəsilə güçləndirilməsi vacibdir və hüquq- mühafizə fəaliyyətinin prioritet istiqamətlərindən biri kimi nəzərdə tutulmalıdır.
“Narkotik vasitələrin, psixotrop maddələrin, onların prekursorlarının və güclü təsir edən maddələrin satışının kütləvi informasiya vasitələrindən, o cümlədən internet informasiya ehtiyatlarından və ya informasiya-telekommunikasiya şəbəkələrindən istifadə etməklə törədilməsinə görə cinayət məsuliyyətinin nəzərdə tutulması mühüm əhəmiyyətə malikdir. Belə ki, son dövrlərdə kütləvi informasiya vasitələrindən, o cümlədən internet informasiya ehtiyatlarından və ya informasiya-telekommunikasiya şəbəkələrindən istifadə etməklə həmin maddələrin satılması barədə xeyli sayda faktlar müəyyən edilib. Eyni zamanda hesab edirəm ki, kütləvi informasiya vasitələrindən, o cümlədən internet informasiya ehtiyatlarından və ya informasiya-telekommunikasiya şəbəkələrindən istifadə etməklə narkotik vasitələrin, psixotrop maddələrin, onların prekursorlarının və güclü təsir edən maddələrin istifadəsinə yönəlmiş fəaliyyətin, yəni satış məqsədi olmadan həmin maddələri təbliğ edən videroloklərin, mahnıların, meyxanaların və s. yerləşdirilməsinin də kriminallaşdırılması məsələsi də qaldırılmalıdır”.
Q.Əlibəyli müddətli həqiqi hərbi xidmətə çağırılan şəxslərin və həqiqi hərbi xidmətə könüllü daxil olan şəxslərin dövlət tibb müəssisələrində icbari narkoloji müayinədən keçirilməsi, həqiqi hərbi xidmət hərbi qulluqçularının isə ildə bir dəfədən az olmayaraq icbari narkoloji müayinəsi haqqında müəyyən edilən yeni normaları da məqsədəuyğun sayıb.
“Vətəni müdafiə etməli olan şəxslərin narkotik vasitələrdən, psixotrop maddələrdən, onların prekursorlarından və güclü təsir edən maddələrdən istifadə etməsi dövlətin müdafiə qabiliyyətini aşağı sala və arzuolunmaz nəticələrə gətirib çıxara bilər. Ona görə belə bir qanunun qəbulu zəruri addımlardandır”(hafta.az)
Tahirə Qafarlı
Versus.az
Xəbər lenti
Ermənistan və bir sıra xarici ölkələrin mediasında Azərbaycanla bağlı YALAN MƏLUMATLAR
"Bu, sistemli dezinformasiya hücumlarının tərkib hissəsidir"