"Məktubunda da Cozef Bayden bunu xüsusilə vurğulayı"
Elxan Şahinoğlu: "Azərbaycanın Ukraynaya dəstəyi ABŞ tərəfindən yüksək dəyərləndirilir"
ABŞ Prezidenti Cozef Baydenin Müstəqillik Günü münasibətilə Azərbaycan Prezidenti İlham Əliyevə ünvanladığı təbrik məktubunda yer alan məqamlar iki ölkə arasında münasibətlərin mövcud durumu və Vaşinqtonun nəzərində Azərbaycanın hansı əhəmiyyətə malik olduğunu göstərir.
Versus.az xəbər verir ki, politoloq Elxan Şahinoğlu bildirib ki, Azərbaycan uzun illərdir ABŞ-la dörd müxtəlif istiqamətdə - enerji, təhlükəsizlik, bölgədə sabitlik və insan haqları müdafiəsi ilə bağlı ikitərəfli əmkdaşlıqlar qurub və bu əməkdaşlıqlar davam edir. Onun sözlərinə görə, Rusiya Ukraynaya qarşı işğalçı müharibəyə başladıqdan sonra Cənubi Qafqaz ölkələrindən Ukraynaya dəstəyi ən çox Azərbaycan verib. Azərbaycandan Ukraynaya verilən humanitar yardımlar, neftin göndərilməsi və sair, bütün bunlar Amerika tərəfindən dəyərləndirir. Çünki Amerikanın da Ukraynaya dəstəyi var.
Məhz mıktubunda da Cozef Bayden bunu xüsusilə vurğulayır.
Politoloq təəssüflə qeyd edib ki, buna baxmayaraq, Amerikada ermənipərəst dairələr Azərbaycana qarşı sərt qanunların tətbiqinə çalışırlar:
“Ermənistanın Ukraynaya dəstəyi yoxdur. Amma ABŞ -da bu ölkəyə qarşı münasibət daha yumşaqdır. Azərbaycan diplomatiyası xüsusilə qabartmalıdır ki, Ukraynaya dəstək verən Azərbaycandır, Ermənistan Rusiyanın quludur və Ukraynaya da heç bir dəstək vermir. Bayden Azərbaycanın önəmiu vurğylayır, amma biz istərdik ki, bu onların siyasətində də özünü göstərsin. Çünki ABŞ -da diplomat və konqresmenlər bəzən ermənipərəst mövqedən də çıxış edirlər”.
E.Şahinoğlu bundan əvvəl də Donald Trampın Azərbaycan Prezidentinə strateji əməkdaşlığı özündə ifadə xeyli məktublar göndərdiyini qeyd edib. “Təbii ki, ABŞ dünyanın super gücüdür və Azərbaycan özü də Amerika ilə ikitərəfli əməkdaşlığı genişləndirməkdə maraqlıdır”. /hafta.az/
T.Qafarlı
Versus.az
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"