Basdırıldıqdan 1 saat sonra qəbirdən diri çıxarıldı

Hindistanda yeni doğulan körpə ölü elan edildikdən sonra diri-diri basdırılıb.

Məlumata görə, doğum yerli xəstəxanbaların birində olub.

Həkimlər dünyaya gələn uşağı ölmüş elan edərək 2 saat ərzində heç bir tibbi müdaxilə etməyiblər. Ailə uşağı qonşu Hollan kəndində dəfn edib. Hollan sakinləri isə buna etiraz ediblər və uşağın ailə qəbiristanlığında dəfn olunmasını tələb ediblər.

Çarəsiz qalan valideynlər dəfn mərasimindən bir saat sonra körpəni yenidən dəfn etmək üçün qəbirdən çıxarıblar. Bu zaman qızın sağ olduğu müəyyən edilib. /Lenta.ru/

Körpə təcili olaraq xəstəxanaya çatdırılıb. Tibbi yardım göstərildikdən sonra körpə ixtisaslaşdırılmış xəstəxanaya yerləşdirilib.

Uşağın yaxınları həkimlərin səhlənkarlığından hiddətlənib. Rayon xəstəxanasının doğum şöbəsinin iki əməkdaşı işdən uzaqlaşdırılıb, araşdırmalara başlanılıb.