Qlobal Forum - "mesajların çatdırılması olduqca əhəmiyətlidir”
Mətin Məmmədli: Ermənistan prezidentin Forumdakı mesajını diqqətə almalıdır"
"Azərbaycan dövlətinin himayəs və “Nizami Gəncəvi Beynəlxalq Mərkəz”in təşkilatçılığı ilə keçirilən "Qlobal dünya təhdidlər" mövzusunda Forumun ölkəmizdə keçirilməsini əhəmiyyətli hesab edirəm".
Versus.az xəbər verir ki, bunu politoloq Mətin Məmmədli bildirib. Onun sözlərinə görə, belə bir tədbirin keçirilməsi ölkəmizin beynəlxalq səviyyədə nüfuzunun göstəricisidir.
"Forumun Bakıda keçirilməsi ölkəmizin bəzi mesajlarının dünyaya çatdırılması üçün olduqca münasib platformadır. Nəzərə almaq lazımdır ki, Bakı Forumunda dünyada kifayət qədər tanınan yüksək səviyyəli siysətçilər, dövlət xadimləri diplomatlar iştirak edir. Ölkəmizin vacib hesab etdiyi mesajların çatdırılması olduqca əhəmiyətlidir”.
Politoloq bildirib ki, bu gün ölkə başçısı çox vacib məsələlərlə bağlı mesajlar, açıqlamalar verib:
"O cümlədən Prezident Ermənistan-Azərbaycan arasında sülh prosesi ilə bağlı ölkəmizin haqlı mövqeyini ifadə etdi. Bildirdi ki, regionda davamlı sülh yalnız iki ölkə arasında problemlərin həlli ilə mümkün ola bilər. Problemlərin həlli isə iki ölkənin qaşılıqlı olaraq ərazi bütövlüyünün, sərhədlərin toxunulmazlığı prinsipinin tanınmasından keçir. Onu da təəssüflə bildirdi ki, Ermənistan ziddiyyətli mövqe nümayiş etdirir. Bir tərəfdən Azərbaycanın təklif etdiyi 5 baza prinsipini qəbul etdiyini bildirir, bir tərəfdən Azərbaycanın ərazi bütövlüyünə yönələn açıqlamalar verir. Qeyd olundu ki, Ermənistan üçtərəfli sazişə əsasən öhtəsinə götürdüyü öhtəlikləri yerinə yetirmir. Ölkə başçısı onu da qeyd etdi ki, əgər Ermənistan yenidən müharibə etmək istəsə, bu onun üçün böyük faciə ilə bitəcək".
Politoloq hesab edir ki, ölkə başçısının bu mesajını Ermənistanın rəhbərliyi diqqətə alıb əməl edəcək.
TAHİRƏ
Versus.az
Xəbər lenti
Türkiyədə güclü ZƏLZƏLƏ
Yeraltı təkanların gücü 5,6 bal olub