Tokioda dəhşətli İSTİLƏR
561 |
Dünya
Yüzlərlə insan xəstəxanaya yerləşdirilib
Yaponiyanın paytaxtı Tokioda üçüncü gündür ki, istilər səbəbindən 200-dən çox insan xəstəxanaya yerləşdirilib.
Belə ki, iyunun 30-da 226 Tokio sakini uzun müddət qızmar Günəş altında qalma səbəbindən xəstəxanaya yerləşdirilib, onlardan 14-nün vəziyyəti ağırdır.
Yaponiyanın paytaxtında istilərin davam etdiyi bir vaxtda yerli hakimiyyət orqanları əhalini kondisionerlərdən istifadə etməyə və bol su içməyə çağırır.
Bundan əlavə, iyun ayında ümumilikdə 1 517 Tokio sakini günvurma səbəbi ilə xəstəxanaya müraciət edib ki, bu da son 10 ildə həmin ay üçün ən yüksək rəqəmdir.
Cümə axşamı Tokio iyun ayı üçün mütləq temperatur rekordu qırıb. Gün ərzində termometr 36,4 dərəcəni göstərib.
Xəbər lenti
"Sosial işçilər həmin şəxsi tapıb ona yardım göstərsin"
"Öz vəzifə borcunu layiqincə yerinə yetirən məmurlar da var"
