Həkimdən ÇAĞIRIŞ
COVID-19 yenidən pandemiyaya çevrilə bilər?
Son günlər COVID-19 xəstəliyinin yenidən pandemiyaya dönüb bəşəriyyətə problem yaradacağını iddia edənlər var. Məsələn, yoluxma sayındakı artımı nəzərə alanlar karantin qaydalarının sərtləşdirilə biləcəyi qənaətinə gəlirlər. Bununla bağlı yayılan dedi-qodular insanları narahat etməyə başlayıb.
Versus.az xəbər verir ki, məsələyə münasibət bildirən tanınmış həkim Aydın Əliyev bu iddiaların absurd olduğunu vurğulayıb:
"Pandemiyanın birbaşa iştirakçısı və bu proseslə birbaşa mübarizə aparan həkim-ekspert olaraq bildirirəm ki, COVID-19 xəstəliyi artıq tarixə qovuşub! Yoluxma sayı arta bilər! Amma bu əsla və əsla pandemiyanın yenidən alovlanma anlamına gəlməməlidir. Çünki əksər insanlar yoluxub və sağalıb, ya da peyvənd edilib. Bu xəstəliyin yenidən pandemiyaya çevrilmək ehtimalı sıfra bərabərdir. Əgər karantin qaydaları sərtləşdirilərsə, bu tibbi yox, siyasi motivlərə əsaslanacaq. Tibbi əsası yoxdur".
Həkim-ekspert insanları rahat həyata davam etməyə çağırıb.
Xəbər lenti
Deputatdan ipoteka ilə bağlı TƏKLİF
"İpoteka kreditləri üzrə şərtlər yüngülləşdirilsin"