Rəşad Bayramov: "Azərbaycan tərəfindən indidən qəti mövqe ortaya qoyulmalıdır"

Xəbər verildiyi kimi, bir qrup ispaniyalı həkimin Xankəndiyə qeyri-qanuni səfəri planlaşdırılıb. İspaniyalı həkimlərin sentyabrın 19-dan 23-dək Rusiya sülhməramlılarının müvəqqəti yerləşdiyi ərazidə xeyriyyə kampaniyası keçirəcəkləri bildirilir.

Belə bir xeyriyyə tədbiri nəyə yönəlikdir və hansı siyasi, ingormatik mahiyyəti daşıyır?

Ümumiyyətlə, bu cür qeyri-qanuni səfərlərin qarşısı necə alınmalı və hansı addımlar atılmalıdır.

Versus.Az xəbər verir ki, bu istiqamətdə açıqlama verən politoloq Rəşad Bayramov hesab edir ki, bu cür xeyriyyə adı altında keçirilən tədbirin arxasında erməni lobbisi dayanır. Onun sözlərinə görə, Azərbaycan qanunvericiliyinə görə ölkə ərazisinə səfər edən hər hansı xarici ölkə vətəndaşı yalnız icazə almaqla ölkəyə daxil ola bilər. Əgər ispaniyalı həkimlər özbaşına şəkildə Qarabağa gəlirsə, bunun məsuliyyətini anlamalıdırlar.

R.Bayramov bildirib ki, Azərbaycan tərəfindən indidən qəti mövqe ortaya qoyulmalıdır:

“Yenə də Rusiyanın sülhməramlı adlandırılan kontingentinin özbaşınalığı hesabına həmin şəxslər Ermənistan ərazisindən Qarabağa-Xankəndinə buraxılacaqlarsa birmənalı şəkildə qanunvericiliyin tələblərini pozmuş olacaqlar. Belə qeyri-qanuni səfərlərlə bağlı prezident özü də dəfələrlə Rusiya sülhməramlılarının fəaliyyətsizliyinə etirazını bildirib.  Ona görə də XİN xətii ilə Rusiya sülhməramlı kontingenti ilə danışıqlar aparılmalı və bu səfərin qarşısı alınmalıdır”.

Politoloq hesab edir ki, xeyriyyə adı ilə Qarabağa təşki olunan qeyri-qanuni səfərlər separatçı rejimə dəstək mahiyyəti dşıyır:

“Separatçı rejimin başçısı Araik Arutunyanın bir neçə gün öncə "status", “biz bu yoldan çəkilməyəcəyik", "müstəqillik" deməsi də təsadüfi deyil. Separatçıları bu cür bəyanatlar verməyə həvəsləndirən erməni lobbiləri, paralel olaraq bu cür səfərləri təşkil etməklə fikir formalaşdırırlar ki,  “müstəqilik, Azərbaycanın qanunlarını tanımayacağıq”.

Politoloq ona görə də hesab edir ki, o qüvvələri  indidən yerində oturtmaq lazımdır:

“Separatçıları və onların “xeyriyyəçilərini” Azərbaycanın qanunlarına tabe olmağa çağırmaq üçün bu məsələdə qəti mövqe nümayiş olunmalıdır”.

LƏMAN
Versus.Az