Bitməyən erməni yalanı – FOTOFAKT

14:16 15-09-2022 | icon 542 | Gündəm
Bitməyən erməni yalanı – FOTOFAKT

Yaralı azərbaycanlını öz vətəndaşları kimi təqdim etdilər

 

Kanada ermənilərinin Milli Komitəsinin “Facebook” səhifəsində bir gün əvvəl Azərbaycanın guya Ermənistanın dinc əhalisinə qarşı “təcavüz”ü ilə bağlı yalan məlumat dərc edilib.

 

Versus.Az xəbər verir ki, Kanadadakı erməni diasporunun nümayəndələri genişmiqyaslı anti-Azərbaycan təxribatını Azərbaycanın Ermənistanın mülki əhalisinə qarşı “təcavüz”ü kimi təqdim etməyə çalışırlar. Əslində isə sentyabrın 12-nə keçən gecə Ermənistan silahlı qüvvələrinin bölmələri Azərbaycan-Ermənistan dövlət sərhədinin Daşkəsən, Kəlbəcər və Laçın istiqamətlərində genişmiqyaslı təxribat törədib.

 

Ermənistan silahlı qüvvələrinin diversiya qrupları sutkanın qaranlıq vaxtında ərazinin dağlıq relyefi və mövcud dərə boşluqlarını istifadə edərək müxtəlif istiqamətlərdə Azərbaycan Ordusunun bölmələrinin mövqeləri arasındakı ərazilərin və təminat yollarının minalanmasını həyata keçirib.

 

Bu əməllərin qarşısının dərhal alınması məqsədilə bölmələrimiz tərəfindən görülən təxirəsalınmaz tədbirlər nəticəsində döyüş toqquşması baş verib.

 

Eyni zamanda, erməni təbliğatçıları sübut kimi Azərbaycanın Bərdə şəhərinin Ermənistan silahlı qüvvələri tərəfindən atəşə tutulması zamanı yaralanan mülki vətəndaşın fotosunu “Azərbaycan mülki obyektləri atəşə tutur” qeydi ilə dərc edirlər.

 

 

Aşağıdakı fotonun müəllifi “Anadolu” agentliyinin fotoqrafı Onur Çobandır. Foto 8 oktyabr 2020-ci ildə 44 günlük Vətən müharibəsi zamanı çəkilib. Fotoda zərərçəkənin azərbaycanlı olmasına daha bir sübut isə oradakı avtomobilin Azərbaycan dövlət nömrə nişanlı (AZ 09-BP-128) olmasıdır.

 

 

Qeyd edək ki, 2020-ci il oktyabrın 8-də Ermənistan silahlı qüvvələri beynəlxalq hüququn norma və prinsiplərini kobud şəkildə pozaraq, mülki əhaliyə qarşı terror aktları həyata keçirərək Bərdə şəhərini artilleriya atəşinə məruz qoyub. Düşmənin “Toçka-U” kompleksindən atəş açması nəticəsində mülki əhaliyə və infrastruktura ciddi ziyan dəyib.

 

Ümumiyyətlə, Ermənistan hökumətinin göstərişi ilə təkcə Bərdə yox, həm də Gəncə, Yevlax, Beyləqan, Tərtər, Qəbələ, Goranboy, Ağcabədi, Xızı və Azərbaycanın digər şəhər və rayonları ballistik raketlərdən və digər ağır artilleriya qurğularından atəşə tutulub. Hərbi təcavüz nəticəsində 12-si uşaq, 27-si qadın, 454-ü mülkü şəxs olmaqla 93 dinc sakin həlak olub, 12 292 yaşayış və qeyri-yaşayış sahəsinə, o cümlədən 288 nəqliyyat vasitəsinə ziyan dəyib. /media.az/

Xəbər lenti

InvestAZ

Ən çox oxunan xəbərlər

"58 ildir bu işlə belə eşqlə məşğul oluram"

 Pensiya yaşı dəyişdiriləcəkmi?

Pensiyalarla bağlı bu şəxslər də SEVİNƏCƏKLƏR

“2023-cü ildən sonra o cür seriyalı danışıqlara qatılmayacağıq”

Dövlət Tibbi-Sosial Ekspertiza və Reabilitasiya Agentliyinin FIRILDAQLARI

TƏCİLİ: Böyrəyində problemi olanlar bunu oxusun

“Qərar ver, qol vur: Futbol meydanından ofislərə idarəçilik və liderlik dərsləri”

“Bu gün əldə olunan uğurlarımızla öyünə bilirik”

“Xarıbülbül” model agentliyi uşaqları dünyaya çıxarır

Yataqxanada olan ailələri məcburi köçürürlər?

Erməni həyasızlığının pik nöqtəsi

Laçına növbəti KÖÇ HAZIRLIĞI

"Qayıdışı könüllü həyata keçirilir və keçiriləcək"

Azərbaycanda üç “goreşən” saxlanıldı

Bu dəfə Çelik gəlir