“Həm məqsəd, həm iradə dövlətimizdə var"
“Ağdamda keçirdilən Ağdam Milli Şəhərsalma Forumu olduqca vacib bir Forum idi. Bu Forumda ölkə başçısı olduqca vacim məsələlərə toxunmaqla müəyyən mesajlar verdi”.
Bu barədə Versus.az-a Bəynəlxalq Münasibətlərin Təhlili Mərkəzinin eksperti, politoloq Mətin Məmmədli Ağdam Milli Şəhərsalma Forumu ilə bağlı açıqlamasında bildirib.
M.Məmmədli cənab Prezidentin dünənki çıxışında diqqət çəkən bir məqama toxunub.
“Cənab Prezident çıxışı zamanı qeyd etdi ki, işğal dövründə xalqımızın milli ideyası torpaqlarımızı işğaldan azad etmək idisə, indi milli ideya işğaldan azad olunmuş torpaqlarımız tam bərpa olunmasıdır. Hesab edirəm ki, işğala son qoymuş dövlət və xalq olaraq biz bu milli ideyanı da uğurla həyata keçirdə biləcəyik. Və vaxtilə
Ermənistanın vandallıqla, vəhşiliklə dağıtdığı bölgə, region tam bərpa olunacaq”.
M.Məmmədli buna illərlə vaxt lazım olsa da, əsas məsələ qarşıya qoyulan məqsəd və bu məqsədin həyata keçrilməsi üçün tələb olunan iradədir.
“Həm məqsəd, həm iradə dövlətimizdə var və düşünürəm ki, yaxın illərdə bu məqsədə doğru irəliləyəcəyik. Qarabağ bölgəsi və ətrafı yenidən ölkəmizin, dünyanın ən baxımlı, cənnət-məkan yerlərindən biri olacaq”.
T.Qafarlı
Versus.az
Xəbər lenti
Kirəcləşmə, duzlaşma oynaq xəstəliyi - osteoartrit
“Qığırdaq aşındıqca oynaq yükdaşıma, hərəkət kimi funksiyalarını itirir”