Natiq Cəfərli: “Diplomatik nümayəndəlikləri qorumaq bu ölkələrin boynunun borcudur”

“Azərbaycanın diplomatik nümayəndəliklərinə qarşı istənilən addımlar Azərbaycan tərəfinin çox kəskin şəkildə reaksiyasına səbəb olmalıdır, necə ki, səbəb olur, amma Qərb dövlətlərinin də cavabdehlik daşıdığı hər dəfə hər platformada vurğulanmalıdır”.

Bunu Versus.az-a açıqlamasında politoloq Natiq Cəfərli bildirib.

Politoloq qeyd edib ki, Vyana Konvensiyasına görə, diplomatik korpus nümayəndəliklərin fəaliyyət göstərdikləri ölkədə qorunmalarının təminatı həmin ölkələrin boynunun borcudur:

“Bu səbəbdən Qərb dövlətlərində, istənilən dövlətin ərazisində bu baş verirsə, həmən kəskin reaksiya verilməli, həmin hadisəni törədənlər məsuliyyətə cəlb edilməlidir. Və Azərbaycan tərəfi də daim bu məsələni gündəmdə saxlamalıdır”.

SEVDA
Versus.az