"Qara qüvvələrə yönəlmiş ciddi messaj"-AÇIQLAMa
“Zəngilanın işğaldan azad olduğu gün Zəngilanda növbəti Hava Limanının açılması böyük əhəmiyyətə malik olan bir hadisədir. Qısa zaman kəsiyində işğaldan azad olunmuş ərazilərdə müasir tipli Beynəlxalq aeroportların tikilərək istismara verilməsi Azərbaycan Respublikasını hansı iqtisadi potensiala malik olmasının bariz göstəricisidir. Qarabağ zonasında gələcəkdə üç hava limanının fəaliyyət göstərməsi , bu regionun istər iqtisadi, istərsə də geostrateji cəhətdən nə qədər mühüm əhəmiyyətli olduğunu göstərir”.
Versus.az xəbər verir ki, bunu AKP sədri Rauf Qurbanov Zəngilanın İşğaldan azad olunduğu gün Türkiyə Prezidenti ilə Azərbaycan Prezidentinin iştirakı ilə Zəngilan Hava limanının açılışı, əhəmiyyəti, geopolitik müstəvidə verdiyi mesajlarla bağlı açıqlamasında bildirib.
Partiya sədri bildirib ki, Azərbaycan prezidenti ilə yanaşı qardaş Türküyə Respublikasının prezidenti Tayyib Ərdoğanın da Zəngilan Beynəlxalq Hava limanının açılışında iştirak etməsi dövlətlərimiz arasında münasibətlərin nə qədər sıx və yaxın olduğunu təsdiq edir.
“Türküyə və Azərbaycan Respublikaları arasında bu cür mehriban və dostluq əlaqələrinin olması xalqımızın gələcək rifahını istəməyən qara qüvvələrə yönəlmiş ciddi mesajdır”.
R.Qurbanov belə bir ərəfədə İran İslam Respublikasının Araz çayının yaxınlığında hərbi təlim keçirməsinə gəlincə, bildirib ki, nəzərə almaq lazımdır ki, öz sərhədləri çərçivəsində təlim keçirmək hər bir dövlətin müstəsna hüququdur. Azərbaycan da eyni ilə İranın dövlət sərhəddinə yaxın ərazidə istədiyi vaxt hərbi təlimlər keçirə bilər.
“ Mən, Azərbaycanı əhatə edən dövlətlərlə , o cümlədən Cənib qonşumuzla münasibətlərimizin gərginləşməsinin tam əlehinəyəm və hesab edirəm ki, buna hər iki tərəfdən cəhd göstərən qüvvələr düşmən dəyirmanına su tökürlər.
Azərbaycan və İran prezdentlərinin apardıqları siyasətə uyğun olaraq, iki qonşu dövlət arasında mehriban və işgüzar əlaqələrin olması, regionda sülhün və əmin-əmanlığın daha da möhkəmlənməsinə və sabitliyin davamlı olmasına xidmət edir”.(hafta.az)
T.Qafarlı
Versus.az
Xəbər lenti
Tarixi dostluq və mehriban qonşuluq
"Əlaqələr gələcəkdə daha da inkişaf etdiriləcək"